Касалликлари ва зараркунандаларига қарши

Ширага қарши кураш чоралари қуйидагилар: Касаллик аломатлари пайдо бўлган майдонларга Хон қизи, Олтинкўз ва бошқа турдаги йиртқич хашоратлар қўйиб юборилса, уларнинг шираларни бутунлай қириб ташлаши мумкин. Кимёвий воситалардан БИ-58, Карбофос, Булдок, Арриво, Децис, Моспилан, Фитоверм ва Циткорларни тавсия қилиш мумкин. Уларнинг ишлатилиш дозалари инструкцияларга мувофиқ бўлиши керак.

Шарқ меваҳўри

Бу зараркунанда шафтоли, бехи, нок, ўрик, гилослар ва олчаларни зарарлайди. Унинг қурти қаймоқранг-оқ, кейинрок эса узунлиги 12 мм га етиб, пушти рангга киради. Капалаги 200 тагача уруғ қўяди ва бир йилда 5-6 та авлод қолдиради.
Шарк меваҳўрига қарши кураш чоралари қуйидагилар: Касаллик аломатлари бор бўлган боғлардаги тўкилган меваларни йиғиб олиш ва тезда ишлатиш, ўлган пустлоқларни тозалаш, дарахт танасини қуриган ва касалланган барглардан тозалаш, мева солинадиган идишлар ва мева сақлаш омборларини дезинфекция қилиш. Кимёвий воситалардан БИ-58, Булдок, Арриво, Децис, Каратэ, Карбофос, Сонет ва Циткорлардан фойдаланиш.

Қалқондорлар (Щитовка)

Қалқондорларнинг мевали ва декоратив экинларни зарарловчи кўплаб турлари мавжуд. Улар сапсар, вергулсимон, калифорния қалқондори ва шунингдек акация сохта қалқондоридир. Калифорния қалқондори карантин объектидир ва у дарахт хамда буталарнинг 200 дан ортиқ турини зарарлайди. Модасининг қалқони юмалоқ, диаметри 2 мм, кўпинча кулранг ёки қўнғир-жигарранг, йилига 2-4 тагача авлод беради, 100-120 та личинка қўяди. Личинкалар қалқончалар остидан ўрмалаб чиқишади ва ўсимликка ёпишиб олиб, яна қалқончалар хосил қилишади. Барглар ва мевалардаги қалқонлар атрофида қизғиш доғлар пайдо бўлади, дарахтнинг пўсти ёрилади. Натижада шохлар қуриб, дарахт қулаши хҳм мумкин. Вергулсимон қалқондор вергул шаклидаги 2,5-4 мм катталикдаги қалқонга эга бўлади. Акация сохта қалқондори меванинг барча турларини, шу жумладан, узум ва
бошқа экинларни зарарлайди. У ярим доира шаклидаги, сарғиш-жигарранг, катталиги 4,5-5 мм ли қалқонни юзага келтиради ва модаси 3000 тагача тухум қолдиради.