Касалликлари ва зараркунандаларига қарши

Саримсоқ трипси – билан зарарланган ўсимликларнинг ўсиши секинлашади, барг ва пояларининг усти оқаради ва бужмайиб қолади. Қаттиқ зарарланган жойлари эса қуриб колиб, ўсимликнинг нафас олиши қийинлашади ва у бевақт нобуд бўлади. Трипс майда сўрувчи хашорат бўлиб, катталиги 0,8-0,9 мм, ранги оч қўнғир ёки сариқ бўлиб, катталарининг икки жуфт патсимон қанотлари бўлади. Личинкалари қанотсиз сариқ бўлиб, тез югурувчан бўлиб, 5-6 кун ўтгач, уларда ҳам қанотчалар пайдо бўла

бошлайди, сўнгра улар ҳам 3-4 кундан кейин тухум қўя бошлайдилар. Тухумлари майда, сувсимон рангда бўлиб, шароитга қараб, 5-7 кундан сўнг улардан ҳам оч сариқ рангли личинкалар чиқади. Трипслар бир мавсумда 10-
12 марта авлод берадилар ва катта ёшдагилари ўсимлик қолдиқларида, иссиқхоналарда, саримсоқпиёзларида сақланади. Эрта баҳорда эса улар дала атрофидаги бегона ўтларда ва иссиқхоналарда кўпая бошлайдилар. Унга қарши курашиш учун алмашлаб экиш жорий қилинади, дала ўсимлик қолдиқларидан яхшилаб тозаланади, агротехникавий тадбирларни ўз вақтида ўтказилади. Зарарланган майдонларга Толстар дорисидан 0,5 л/га ёки Нурелл-Д препаратидан 1,0 л/га, Карбофосдан 1,5 л/га, Дельтафосдан 1 л/га ёки Данитолдан 1,0 л/га хисобидан 600 литр сувга аралаштириб пуркалади.

• 
  Саримсоқ нематодаси – бу зараркунанда саримсоқ танасида жуда хам катта миқдордаги тухумлар қўяди ва шу туфайли пиёзларнинг таг қисми бўшашиб, у сариқ-лимонсимон рангли бўлган бўлакчаларга бўлиниб кетадилар:
  

Бу нематода тупроқда хосилдан сўнгги қолдиқларда қишлайди ва кейинги йил хам тухумларидан кўпаяверади.

• 
  Занг касаллиги – замбуруғли касаллик бўлиб, бунда ўсимлик баргларида оч-сариқ доғлар пайдо бўлади ва улар кейинчалик қорайиб кетади. Бу эса ўз навбатида ўсимликнинг барвақт қаришига олиб келади.
  
• 
  Қора чирк касаллиги – бу хам замбуруғли касаллик бўлиб, саримсоқни юқори хароратли хоналарда сақлаш туфайли келиб чиқади. Касаллик яхши етилмаган ва қуритилмаган саримсоқпиёзларда кўп учрайди.
  
•