Касалликлари ва зараркунандаларига қарши

Карам бити

Эртаки карамнинг бош ўраш даврида қанотли урғочи битлар пайдо бўлади. Улар барг остида, ўсиш нуқталарида, пояларда, уруғликларнинг қузоқларида яшайди ва ўсимлик сокларини сўради. Натижада баргнинг шикастланган жойлари оқади. Бит билан зарарланган экин бутунлай уруғ бермаслиги ёки уруғлари пуч бўлиши мумкин. Бизнинг шароитимизда карам бити бир йилда 22-24 мартагача авлод беради. Шунинг учун хам у карамнинг жуда хавфли зараркунандаси хисобланади.
Карам битига қарши кураш чоралари: карам кўчатини далага ўтказишдан олдин уни қуйидагича дориланади. 1 литр сувга 2 грамм БИ-58 препарати (2 кв.м. майдонга) ёки 25% ли Антио (1 литр сувга 2 грамм) ёхуд 70% ли Сайфос (1 литр сувга 1 грамм) қўшиб тайёрланган эритма пуркалади. Далада карам битлари пайдо бўлса, қуйидаги дорилардан бири пуркалади: БИ-58 (гектарига 1,5 кг дан) ёки 50% ли Трихлор-метафос (гектарига 1,5 кг
дан) ёхуд 25% ли Антио (1 гектарга 2 кг дан) препаратларини қўллаш мумкин. Аммо дори сепишни карам хосилини йиғиштиришдан 25-30 кун олдин тўхтатиш лозим.
С а р и м с о к п и ё з
Саримсоқпиёз элликтадан кўпроқ касалликларга чалиниши ва зараркунандалар хуружига учраши мумкин. Саримсоқ ер остки қисми душманларининг катта аҳамиятга эга бўлганлари илдизни кемирувчи майда чувалчанг, пашша личинкалари, пиёз тагининг чириш касаллиги ва ўсимлик танаси нематодасидир. Баргларга эса трипс, кана, барг кемирувчи, унли замбуруғли касалликлар, вирус ва бактериал касалликлар катта зарар етказади. Саримсоқ сақланган пайтда эса унга энг кўп зарарни чириш, яшилранг пустлоқ зарарланиши хамда нематодалар етказади. Аммо касалликни даволагандан кўра унинг олдини олган маъқул. Шунинг учун ҳам тажрибали сабзавоткорлар олдиндан касаллик ва зараркунандаларга қарши керакли тадбирларни ўтказиб, улардан самарадор химояланадилар. Ўсимликни химоя қилиш учун уни хар хафтада бир марта яхшилаб кўриб чиқиб, холатига баҳо бериш керак бўлади. Бу олдиндан керакли химоя тадбирларини амалга оширишга имкон беради. Касаллик ва зараркунандаларга қарши курашишда аввало агротехник, механик ва биологик воситаларни ишлатиш керак. Агарда улар ёрдам бермасагина, химоя воситалари ва тегишли регламентга риоя қилган холда кимёвий тадбирларни амалга ошириш керак бўлади. Саримсоқпиёзда қуйидаги асосий касалликлар турлари ва зараркунандалар мавжуд:

•