Касалликлари ва зараркунандаларига қарши

Уларга қарши курашиши учун алмашлаб экиш, майдонларни ўсимлик қолдиқларидан тозалаш ва агротехник тадбирларни ўз вақтида ўтказиш керак. Кимёвий воситалардан фунгицидли дорилар Фоликур (0,7 кг/га) ёки 1% ли Бордосс суюқлиги ёки Топаз (0,5 л/га) лардан фойдаланиш мумкин.
Саримсоқпиёз касалликлари ва зараркунандаларига қарши курашнинг самарали усулларидан бири ер майдонида алмашлаб экишдир. Саримсоқ ва пиёз экилган майдонларга уларни қайтадан 4-5 йилдан кейингина экиш мумкин. Хосилни йиғиштириб олингандан сўнг қолган қолдиқларни, касал ўсимликларни ва зараркунандалардан озор кўрганларини йўқотиш ва иложи бўлса ёқиб ташлаш талаб қилинади. Хосил йиғиштириб олинганидан сўнг тупроққа кул ва сўндирилган охак сочиб, ер майдони чуқур хайдалади.

С а б з и

Сабзи пашшаси

Унинг ранги қора бўлиб, бош қисми сариқ рангда бўлади. У ғумбак шаклида тупроқда қишлайди, личинкалари эса сақланган махсулот ичида бўлади. Май ойининг охирида пашшалар сабзининг илдиз қисми ёнларида ок
рангли тухумлар қўядилар. Улардан чиққан личинкалар илдиз ичига кириб олиб, уни ея бошлайдилар. Личинкалар бундай холда 27-30 кун бўлиб, сўнгра тупроққа қайтиб, ғумбакка айланадилар. Август ойи бошларида эса пашшаларнинг кейинги авлоди пайдо бўлади. Бу хашорот намли ва салқин жойларни ёқтиради, шунинг учун хам сабзини қуёш тушадиган, очиқ, хаво яхши айланадиган ва сув хавзаларидан узоқроқ жойларга экиш мақсадга мувофиқ бўлади. Пашшага қарши тупроққа кул сепилиб, чопиқ қилинади. Сабзи пашшасига қарши пиёз пўстининг дамламасини ҳам ишлатиш мумкин. Бунинг учун 400 грамм пиёз пўстини 10 литр сувга солиб, иссиқ жойга бир сутка қўйиб қўйилади. Сўнгра фильтрланган эритмани униб чиқаётган сабзи майсаларига пуркалади. Август ойида бу амал яна бир марта қайтарилади. Эритма олиш учун ишлатилган пиёз пўстини ташлаб юборилмайди - уни ҳам сабзи ариқларига ва ўсимлик оралиқларига сочиб чиқилади. Бу пашшани хайдаш учун хизмат қилади.

Қ а л а м п и р

Помидор, баклажон, картошканинг барча касаллик ва зараркунандалари қалампирни ҳам жуда яхши кўрадилар. Масалан, Колорадо қўнғизи биринчи навбатда қалампирни зарарлайди. Симқурт ҳам қалампирнинг ёш ўсимликлари ва кўчатларига зарар етказиб, уларнинг илдиз қисмига кириб олади ва натижада ўсимлик нобуд бўлади. Иссиқхоналарда ҳам қалампир турли хил хавфли касалликларга, масалан медведкага чалинади. Улар ёш қалампирларнинг илдизлари ва баргларини ейдилар. Қалампирнинг энг хавфли душманларидан бири - яланғоч шиллиқ қуртдир. Агар улар иссиқхоналарда пайдо бўлсалар, жуда катта миқдорда зарар келтирадилар. Шиллиқ қуртга қарши курашиш учун уларни қўлда териб олиш ва йўқотиш керак бўлади, акс холда барча қалампир кўчатларидан ажралиб қолиш мумкин.