Касалликлари ва зараркунандаларига қарши

Америка оқ капалаклари ҳам олча ва гилоснинг шохларида ўргимчак тўри хосил қилиб, колониячалар шаклида яшайдилар. Бунда кимёвий воситаларни ишлатиш тавсия этилмайди, чунки бу зараркунандалар кўпайган пайтда мевалар пишган бўлади. Шунинг учун бу капалаклар бор бўлган шохларни кесиб олиб, ёқиб юборилади ёки қўнғизлар териб олиниб, йўқотилади.
Битларнинг ичида олча бити ҳам бўлиб, у ёш шохчаларнинг пастки қисмида жойлашган бўлади ва ўсимлик соклари билан озиқланади. Натижада барглар бурилиб кетади, сўлийди ва қурийди.
Олма гулини еювчи хашорот ҳам олча гулига жуда ўч бўлади. У гулкосаларни тешиб, уларга тухум қўяди. Тухумдан пайдо бўлган личинкалар эса ўша ерда озиқланадилар ва шу ернинг ўзида ғумбакка айланадилар. Бундай гулдонлар очилмасдан, қуриб қоладилар. Катта хашоратлар эса ёш барглар ва мевалар билан озиқланадилар.
Олчанинг кемирувчи шиллиқ қурти ва унинг личинкалари баргларнинг юмшоқ қисмларини еб тирикчилик қиладилар ва бу олчанинг қуриб колишига олиб келади.
Узун бурунли қўнғиз эса олдин куртаклар билан, кейин гуллар ва ёш барглар хамда мевалар билан озиқланади. Улар данаклар атрофига тухум қўядилар ва ундан пайдо бўлган личинкалар данак ичига кириб олиб, унинг ичидагилар билан озиқланадилар. Бундан мевалар тўкилиб кетадилар ва данаклари пуч кўринишда бўлади.
Қушлар ҳам олча ва гилос хосилига катта зарар етказадилар. Уларга қарши курашиш шарт эмас, аммо улардан хосилни химоялаш учун дарахтларни марли ёки металл сетка билан ёпиб қўйиш ёки қушларни қурқитиш мосламаларини ўрнатиш керак бўлади.

У з у м

Узумнинг хам ўзига яраша кушандалари ва зараркунандалари мавжуд бўлиб, мисол сифатида узум шодаси кемирувчисини келтиришимиз мумкин. Бу кичкина ва жигарранг капалаклар хали пишиб етилмаган узум шодаларига тухум қўядилар. Улардан чиққан қуртлар узумнинг юмшоқ жойларини еб қўядилар. Касалланган узумларнинг ранги ўчиб, тиришиб, қурий бошлайдилар, баъзилари эса тўкилиб кетадилар. Қуртлар 3 авлодда ривожланадилар. Уларнинг биттаси 10 тагача узум шодасини ишдан чиқариши мумкин. Бу зараркунандаларга қарши курашиш учун кузда ток новдаларини ўлган ва қуриб қолган пустлоқлардан тозалаш ва уларни ёқиб ташлаш тавсия этилади, чунки қуртлар худди шу пустлоқларда ғумбак кўринишида сақланадилар. Уларга ва узумнинг бошқа зараркунандаларига
қарши курашиш учун қуйида келтирилган бир қанча агротехник ва биологик усуллардан ҳам фойдаланиш мумкин.