Kamoliddin behzod nomidagi milliy rassomlik va dizayn instituti

Bitiruv malakaviy ishi mavusining dolzarbligi: Ushbu bitiruv malakaviy ishining dolzarbligi ayollar garderobini yuqorida aytib o`tilganlardan kelib chiqib, ya’ni ham milliy mentalitetimiz me’yorlarini buzmagan holda, ham ayollarning xilma-xil va o’ziga xos, betakror talab, ehtiyojlarini inobatga olgan holda yaratilgan eksklyuziv modellar bilan to’ldirishdir. Shuningdek, zamonaviy moda yo’nalishiga har tomonlama mos keladigan, shu bilan birga, milliy mentalitetimiz an’analariga sodiq qolgan holda yaratilgan liboslar bilan yurtimiz modasini butun dunyoga namoyish etish va tanitish g’oyalari ushbu bitiruv malakaviy ishining asosini tashkil etadi.
Hozirgi kunda qo’l mehnati yordamida ayniqsa, “batik” texnikasida rasm solish, bo’yash kabi badiiy bezak usullaridan foydalangan holda yaratilgan liboslarga qiziqish tobora ortib bormoqda. Ayniqsa, bunday texnika uchun asosan tabiiy matolardan foydalanilishi uning qadr-qimmatini yanada oshiradi. Chunki, tabiiy matolardagi gigiyenik xususiyatlar barchaga birdek manzur bo’ladi. Shuningdek, mozaika uslubi ham qay tarzda qo’llanilishidan qat’iy nazar, o’zining jimjimadorligi bilan libosga bejirim ko’rinish baxsh etadi va bunday liboslar har doim nozik ta’bli ayollarning diqqat markazida bo’ladi.
Bitiruv malakaviy ishining ob’yekti.
“Batik” texnikasini qo’llash, mozaika yaratish usullari va kerakli anjomlari.
Bitiruv malakaviy ishining maqsadi va vazifalari:
- kolleksiya konsepsiyasini ishlab chiqish;
- “batik” texnikasida mozaika uslubi qo’llanilgan liboslar kolleksiyasining dizayn-loyihasini ishlab chiqish uchun istiqbolli moda yo'nalishini tahlil etish;
- marketing tadqiqotlarini olib borish;
- berilgan kiyim assortimenti bo'yicha liboslar to'plamiga qo'yiladigan
talablarni ishlab chiqish;
- ijodiy manbani tanlash va asoslash;
- kolleksiyani kompozitsion yechimini va koloristik qatorini ishlab
chiqish;
- kolleksiyani loyihalash usulini tanlash;
- kolleksiya reklama loyihasini ishlab chiqish.