Joqarı maman qánigelerge qoyılatuǵın talaplar Joba

keste

Kalendar-tematikalıq reje

№	Tema	Ajıra-tılǵan saat	Tálim túri	Sabaq túri	Pámler-ara hám pán ishindegi baylanis	Tálim metod-ları	Tálim qural-ları	Ámeliy Tapsir-malar	Payda-lanılǵan Ádebiyat-lar	Úyge tapsır ma
1	2	3	4	5	6	7	8	9	10	11

Kalendar-tematikalıq joba 1 jıl yamasa 6 ay ushın dúziledi.

Kalendar-tematikalıq rejeniń, bólimleri tómendegishe toldırıladı :

1. Sabaqtıń tártip nomeri jazıladı.

2. Programma boyınsha tema jazıladı hám sabaqtıń jobası keltiriledi.

3. Temaǵa neshe saat ajıratılǵanlıǵı kórsetiledi.

4. Tálim formasın belgilewde oqıw rejede hám programmada berilgeni boyınsha teoriyalıq, ámeliy hám laboratoriya shınıǵıwlarına ajratıladı.

5. Sabaq túri belgilenedi. Sabaq túrleri shınıǵıwdı ótkeriw basqıshları hám maqsetine kóre jańa bilimlerdi ózlestiriw sabaǵı, aralas sabaq, tákirarlaw hám bekkemlew sabaǵı, sınaq sabaqlarına ajratıladı. Sabaq túri oqıw-tárbiya maqsetleri hám oqıw materialınıń mazmunına qaray tańlap alınadı.

6. Pánleraro hám pán ishindegi baylanısıwlar. Bul bólimde úyrenilip atırǵan pánniń ulıwma bilim beriw, ulıwma kásip hám basqa arnawlı pánler menen baylanısıwları kórsetiledi. Oqıtıw processinde oqıw materialınıń mazmunında hámme túrdegi baylanısıwlardan paydalanıw (basqa pán bilimlerin qóllaw, hár bir pánlerde úyrenladigan túsinik, nızam hám nizamlıqlardı birdey anıqlama beriw) kerek.

7. Sabaqta paydalaniletuǵın tálim metodları kórsetiledi. Temanı úyretiwde hám úyreniwde bir neshe metodlardan paydalanıw múmkin. Metod tańlawda temanıń oqıw maqseti, talap etiletuǵın shárt-sharayat, tálim alıwshılardıń sanı hám múmkinshilikleri esapqa alınıwı kerek.

8. Oqıtıwdıń texnikalıq quralları, kórgezbeli qurallar kórsetiledi. Bunda tema boyınsha sabaqta paydaniladigan texnikalıq qurallar, kórgezbeli qurallar hám úskeneler, kino hám diafil'mler, plakat, maket, model hám detallardiń nomerleri kórsetiledi.

9. Bul bólim ámeliy shınıǵıwlar ushın mólsherlengen bolıp, ol jaǵdayda oqıwshılardıń sabaqta ózbetinshe islewleri ushın beriletuǵın tapsırmalar kórsetiledi.

10. Paydalaniletuǵın ádebiyatlar. Bunda temanı úyreniw ushın kerekli kitaplar, qóllanbalar hám basqa derekler kórsetiledi.

11. Uyge tapsırma. Ózbetinshe islewde paydalaniletuǵın ádebiyatlardıń atları, baspaları, shıqqan jılları, qaysı betlardan paydalanıw kerekligi ańlatpalanadı.