14-tema. Qamsızlandırıw hám mámlekettiń byudjetten tısqarı maqsetli jamǵarmaları boyınsha esap-kitaplar auditi

14-tema. Qamsızlandırıw hám mámlekettiń byudjetten tısqarı maqsetli jamǵarmaları boyınsha esap-kitaplar auditi

Qamsızlandırıw hám mámlekettiń byudjetten tısqarı maqsetli jamǵarmaları boyınsha esap-kitaplar auditiniń maqseti, wazıypaları, normativlik-huqıqı tiykarları hám maǵlıwmat derekleri. Birden-bir sociallıq tólem hám byudjetten tısqarı pensiya jamǵarmasına puqaralardıń qamsızlandırıw vznosları hámde májbúriy ajıratpalar boyınsha esap-kitaplar auditi. Respublika jol jamǵarmasına májbúriy tólemler boyınsha esap-kitaplar auditi. Ózbekstan Respublikası finans ministrligi janındaǵı byudjetten tısqarı pensiya jamǵarması hám tólim mákemelerin rekonstruktciyalaw, kapital támirlew hám úskenelew jamǵarması menen esap-kitaplar auditi.

1-shınıǵıw. Birden-bir sociallıq tólem boyınsha esap-kitaplar ishki qadaǵalaw sistemasın bahalaw

Shınıǵıwdıń maqseti: birden-bir sociallıq tólem boyınsha esap-kitaplar ishki qadaǵalaw sistemasın bahalawdı úyreniw.

Birlemshi maǵlıwmatlar:

2014 jıl dawamında “Namuna” JShJte miynet haqı fondına salıstırmalı 25% birden-bir sociallıq tólem (BST) esaplanıladı. BST jámiyettegi hár bir bólim ushın óz-aldına esap-kitap qılınadı hám usı bólim qárejetleri sıpatında tán alınadı. Bunnan tısqarı salıq nızamshılıǵına muwapıq BST boyınsha bazalıq muǵdarı da esaplanıladı. JST boyınsha bazalıq muǵdar miynet haqı fondına joqarı bolǵan jaǵdaylarda miynet haqı fondına salıstırmalı esaplanǵan BST hám BST boyınsha bazalıq muǵdar ortasındaǵı parıq 9430-“Basqa opreaciyalıq qárejetler” schyotına alıp barıladı.

“Namuna” JShJde BST boyınsha esap-kitaplar tuwrısında esabatlar salıq nızamshılıǵında kózde tutılǵan múddetlerde rayon salıq inspektsiyasına belgilengen formada tapsırıladı hámde esaplanǵan BST summası is haqı esaplanǵan aydan keyingi aydıń 10 sánesine shekem tolıq tólep beriledi.

Talap qılınadı:

Birden-bir sociallıq tólem boyınsha esap-kitaplar ishki qadaǵalaw sistemasın bahalań.

Birden-bir sociallıq tólem boyınsha esap-kitaplar ishki qadaǵalaw sistemasın bahalaw ushın sawallar

Sawal mazmunı	juwaplar			Túsinik
	Awa	Joq	juwap joq
1. Salıq tólewshi tárepinen birden-bir sociallıq tólem hár bir quramlıq bólinbe ushın óz-aldına esap -kitap qılınadıma?
2. BST boyınsha bazalıq muǵdar esap-kitap qılınadıma?
3. Miynet haqı fondına salıstırmalı esaplanǵan BST menen YaIT boyınsha bazalıq muǵdar summaları ortasındaǵı parıq anıqlanǵan jaǵdaylar barma? anıqlanǵan parıq qárejet sıpatında qaysı bólimge alıp barıladı?
4. Kárxana tárepinen YaIT boyınsha avans tólemleri ámelge asırıladıma?
5. Esaplanǵan hám tólengen YaIT boyınsha esabat salıq organlarına tapsırıladıma? múddeti?
6. YaIT boyınsha tólemler qashan ámelge asırıladı?
7. Birden-bir sociallıq tólem esalanılatuǵın xızmetkerlerdiń is haqqınan tısqarı basqa dáramatları boyınsha esap júritiledime?