Joqarı maman qánigelerge qoyılatuǵın talaplar Joba

Kásip tálimi oqıtıwshınıń lawazım wazıypaları tómendegilerden ibarat:

Oqıwshılardıń kásip-ónerge beyimligin, uqıp hám mamanlıǵın rawajlandırıw;

saylanǵan kásip hám qánigelikligi oqıw pánleri boyınsha tereń bilimlerdi, ilimiy dúńyaǵa kózqarastı qáliplestiriw;

tálim processinde oqıtıwdıń nátiyjeli usılları, quralları hám formaların, jańa pedagogikalıq texnologiyalardı keń qóllaw ;

oqıtatuǵın páni boyınsha sabaqtan tısqarı islerdi, dógerek shınıǵıwlardı shólkemlestiriw;

oqıwshılardı bilim sapası, ózlestiriw dárejesi hám qatnasın baqlaw ;

oqıwshılar menen jalǵız tártipte islew;

oqıwshılardı pán olimpiadalarına tayarlaw ;

oqıw bólmelerin jáhán standartları hám dizayn talapları dárejesinde úskenelewde qatnasıw ;

aldıńǵı pedagogikalıq tájiriybelerdi úyreniw hám qóllaw ;

úzliksiz túrde mamanlıǵın asırıw.

Kásip tálimi oqıtıwshıları bunnan tısqarı qánigeligi boyınsha islep shıǵarıw texnologiyaların, ekonomika tiykarları, islep shıǵarıw hám basqarıwdı shólkemlestiriw tiykarların biliwi kerek.