Йўлдошев н.Қ., Болтабаев м. Р., Тошходжаев м. М

Ташкилий маданият – ташкилот аъзолари томонидан қабул қилинадиган 
ва ташкилот қайд этган қадриятларда ўз ифодасини топган, одамларга 
уларнинг ахлоқ, хатти-ҳаракатлари белгилаб берилган энг муҳим 
йўналишлар тўплами. Ташкилот ходимлари унинг ифода этувчиси 
ҳисобланади, ташкилот менежменти ва, аввало, унинг юқори поғонаси 
томонидан шакллантирилади.
Ташкилий хулқ - ташкилот субъектлари (инсонлар, гуруҳлар, 
жамоалар)га таъсир кўрсатувчи ва кўп жиҳатдан уларнинг хулқини ҳамда 
бир-бири билан ва ташқи муҳит билан ўзаро муносабатини белгилаб берувчи 
руҳий, ижтимоий ва ташкилий-иқтисодий жиҳатлар ва омиллар тўғрисидаги 
ўқув фани ва амалий фан комплекси. 
Ташкилот – 1. Муайян мақсадларга эришмоқчи бўлган одамларнинг 
тизимлаштирилган, онгли бирлашмаси. 2. Бошқарув функцияси, унинг 
вазифаси - ташкилот тузилмасини шакллантириш ва унинг меъёрда фаолият 
кўрсатиши учун барча керакли нарсалар билан таъминлаш. 
Ташкилотнинг миссияси – ташкилот мавжудлигининг маъносини очиб 
берувчи шакллантирилган тасдиқнома бўлиб, унда мазкур ташкилотнинг 
бошқа шу каби ташкилотлардан фарқи намоён бўлади. Муайян 
ташкилотнинг миссияси унинг фаолияти билан боғлиқ бўлган турли 
инсонлар гуруҳи, авваламбор, мулкдорлар, ходимлар, истеъмолчиларнинг 
мақсад ва манфаатларини акс эттиради..
Таъсир – атрофдаги одамларнинг хулқини ёки жараёнлар кечимини 
ўзгартира олиш қобилияти. Таъсирнинг икки шакли мавжуд – ижрочини 

---

352 
фаол ҳамкорликка ундайдиган ишонтириш ва хайрихоҳлик. Ишонтириш – ўз 
нуқтаи назарини самарали уқтириш. Хайрихоҳлик – ходимларни бошқарувга 
жалб қилиш. 
Низо – икки ёки ундан кўп томонларнинг, яъни аниқ шахслар ёки 
гуруҳларнинг ўзаро кураши бўлиб, ҳар бир томон ўз нуқтаи назари ёки 
мақсади қабул қилинишига ҳаракат қилади ва бошқа томоннинг худди 
шундай қилишга халақит беради. Низоларнинг: шахснинг ички, шахслараро, 
гуруҳлараро, гуруҳ ва шахсаро турлари аниқланган.