Jahon tarixi 11 1-§. "Sovuq urush"ning boshlanishi

Erix Xonekker – (1912-1995)-GDR Davlat kengashi raisi(1971-89).GSBP MK bosh kotibi(1971-1989). 1989 yiloktyabrida barcha lavozimlaridanbo’shatilib,dekabrda GSBP safidan o’chirildi.
GDR rahbariyati mamlakatni tashqi davlatlardan tikanli simlar bilan ajratib, chegarada shafqatsiz rejim o’rnatdi. Barcha qochoqlarni jinsi va yoshidan qat’iy nazar otib tashlashga buyruq berildi. Chegara postlari kuchaytirildi. Biroq, bu GDRdan ommaviy chiqib ketishning oldini ololmadi. 1989-yil 7-oktyabrda GDR rahbariyati Germaniya tarixidagi birinchi sotsialistik davlatning 40 yilligini tan­tanali nishonlash uchun yig’ildi. Mamlakat bo’ylab esa E. Xonekkerning iste’foga chiqishini, Germaniyani bir­lashtirish va GSBP hukumatini tugatishni talab qilgan holda ommaviy namoyish boshlandi.1989-yil 7-9-oktyabr kunlari Berlin, Drezden, Leypsig va boshqa shaharlarda o’n minglab kishilar mamlakatda tub o’zgarishni talab qilgan holda ko’chaga chiqdilar. Politsiya tomonidan namoyishchilarni tarqatish nati­jasida 3 ming kishi hibsga olindi. Biroq, bu mavjud tuzumga qarshi harakatni to’xtata olmadi. 1989-yil 4­noyabrda Berlin ko’chalariga 500 mingdan ortiq kishi chiqdi. 1990-yll 18-martda ko’p partiyalik asosida o’tkazil­gan saylovlar XDI partiyasining g’alabasi bilan tugadi. Mazkur partiya 41 foiz, sotsial-demokratlar - 21 foiz, DIP (sobiq GSBP) - 16 foiz ovozga ega bo’ldi. XDI va sotsial-demokratlar vakillaridan iborat yangi koalitsiya hukumati tuzildi. Hukumat darhol Germaniyani bir­lashtirish haqidagi masalani ilgari surdi. GDR va SSSR o’rtasida Germaniya muammosini hal etish borasida muzokaralar boshlandi. 1990-yil 12-sentyabrda GFR kansleri G. Koll va SSSR Prezidenti M. Gorbachev Germaniyaga nisbatan o’z boshqaruv siyosatining tuga­ganligi to’g’risida Shartnomani imzoladilar. Bir vaqtning o’zida sovet qo’shinlarini 1994-yil oxirigacha Germaniyadan olib chiqib ketish masalasi hal etildi. 1990-yil 3-oktyabrda Germaniya birlashdi. Bunday jadallik bilan birlashish oqibatlari Ger­manyanmg har 2 qismi uchun og’ir kechdi. Sobiq GDRning barcha hududlari­da umumiy sanoat yemirilishini eslatuvchi deindustria­lizatsiya jarayoni yuz berdi. GDR iqtisodining butun tizimi zarar keltiradigan va raqobatga chidamsiz ekanligi ma’lum bo’ldi.GFR hukumati tomonidan mamlakatning sharqiy hududi sanoati qo’llab-quvvatlangach ham ular ishlab chiqargan mahsulot hatto G’arbiy Germaniya bozorida o’z xaridorini topmadi. Ayni paytda Sharqiy Germaniya bozorlari GFR sanoatchilari tomonidan zabt etilgan edi.G FR uchun eng jiddiy muammo mustahkam bozor asosida Sharqiy Germaniya sanoatini tiklash bo’ldi. Davlat buning uchun yiliga 150 milliard marka subsidiya ajratishga majbur bo’ldi. Yana bir muammo - ishsizlik bo’lib qoldi. Sharqiy Germaniyada mehnatga layoqatli 13 foiz aholi ishsiz edi.