Iv. Glossariy

KSENOBIOTIKLAR - Organizm uchun yot moddalar: pestitsidlar, maishiy xizmatda qo‘llaniladigan kimyoviy preparatlar, dorivor moddalar va shunga o‘xshash birikmalar.
KSEROFIL — Quruqsevar, suv etishmasligiga moslashgan, shunga ko‘ra namligi kam joylarda yashaydigan opganizmlar (masalan cho‘l hayvonlari, o‘simliklari).
LABILLIK — Noturg‘unlik, beqarorlik, organizmning tashqi va ichki muhit o‘zgaruvchanligiga bog‘liqligi, ya’ni ularning ta’siriga, turg‘unsizligini bildiradi.
LANDSHAFT — Manzara, ko‘rinish, chegaralangan ma’lum bir maydonda tabiiy komponentlar tomonidan yuzaga keltirilgan va bir – biriga moslashgan hamda o‘zaro ta’sirchan bo‘lgan tabiiy geografik kompleksning ko‘rinishi, manzarasi.
LITOFITLAR — Tosh va qoyalarda yoki ularning yoriqlarida o‘sadigan o‘simliklar.
MEZOGALIN - V.N. Jukinskiy va boshqalar (1980) tavsiya etgan klassifikatsiyaga ko`ra yer ustki suvlarining sho`rlanish darajasi 1.01 – 18.00 mg/kg bo`lgan suvga aytiladi. Sho`rtob suv.
METAMORFOZ — Shakl o‘zgarishi, organizm tuzilishining o‘zgarishi; 1) hayvonlarda lichinkaning voyaga etgan individ (imago) ga aylanishiga qadar yuz beradigan o‘zgarishlar; 2) o‘simliklarda bajaradigan funksiyasining o‘zgarishi bilan bog‘liq holda asosiy organlar ko‘rinishining o‘zgarishi. Masalan, bargning tikanga aylanishi.
MIGRATSIYA - Ko‘chish, hayvonlar migratsiyasi, hayvonlarning yashash sharoiti yoki rivojlanish siklining o‘zgarishi bilan bog‘liq (mavsumiy, kunlik, yillik) yoppasiga ko‘chish.