Исломда мерос ва унинг тақсимоти

www.madrasa.uz
 
161 
Акдария масаласи: 
Бу масаланинг тақсимотини Зайд ибн Собит амалга 
оширганлар. Ушбу воқеъа Бани Акдар қабиласига мансуб 
аёлнинг масаласи бўлгани учун “акдария” деб номланган.
Бир аёл вафот этиб, ортидан эр, она, отанинг отаси, ва 
туғишган сингил қолдирди. Аслида эрга ярим 1/2, онага учдан 
бир 1/3, отанинг отасига олтидан бир 1/6 бўлиб, фарз улушлар 
ила тарика тугайди ва туғишган сингилга ҳеч нарса 
қолмаслиги керак эди. Аммо Зайд ибн Собит розияллоҳу анҳу 
бу ҳолатда туғишган сингилга ярим 1/2 берадилар ва 
масаланинг аслини 6 дан 9 га авл қиладилар. Сўнгра отанинг 
отасининг улуши 1 ни қизнинг улуши 3 га қўшиб икковига 
бир эркакка икки аёл улуши қоидасига биноан икковининг 
улуши 4 ни тақсим қиладилар. Лекин 4 ни бир эркак ва бир 
аёлга касрсиз бўлишнинг иложи бўлмаганлиги учун 
масаланинг асли 9 ни улушлари каср ҳолида чиққан 
меросхўрлар сони 3 га кўпайтирамиз (отанинг отаси икки 
туғишган сингил ўрнида ва яна битта ҳақиқий туғишган 
сингил). Ҳосил бўлган 27 сони масаланинг тасҳиҳидир. Энди 
эрнинг аввалги масаладаги улуши 3 ни 27 ни ҳосил қилишда 
ишлатилган 3 га кўпайтирамиз. Демак эр 27 дан 9 та улуш 
олади. Сўнгра онанинг аввалги масаладаги улуши 2 ни 27 ни 
ҳосил қилишда ишлатилган 3 га кўпайтирамиз. Демак, она 27 
дан 6 та улуш олади. Шунда қолган 12 та улушни отанинг 
отаси ва туғишган сингил орасида бир эркакка икки аёл 
улуши қоидасига мувофиқ тақсимлаймиз. Отанинг отасига 8 
та улуш, туғишган сингилга 4 та улуш. 
Фарз улушларга мисоллар: 

---

www.madrasa.uz
 
162 
Бир киши вафот этди ва ортидан хотини, онаси, отаси ва 
ўғли қолди. Хотинга саккиздан бир 1/8, онага олтидан бир 1/6, 
отага олтидан бир 1/6, қолган барча мерос ўғилга асабалик 
жиҳатидан. 
Масаланинг асли 24 
Хотин 
саккиздан бир 1/8 3 та улуш 
Она 
олтидан бир 1/6 
4 та улуш 
Ота 
олтидан бир 1/6 
4 та улуш 
Ўғил 
қолган 
барча 
мерос 
асабалик 
жиҳатидан 
13 та улуш 
Бир киши вафот этди ва ортидан хотини, қизи, ўғлининг 
қизи, онаси ва ўғлининг ўғлининг ўғлини қолдирди. Хотинга 
саккиздан бир 1/8, қизга ярим 1/2, ўғлининг қизига олтидан 
бир 1/6, онага олтидан бир 1/6 ва қолган мероснинг барчаси 
ўғлининг ўғлининг ўғлига. 
Масаланинг асли 24 
Хотин 
саккиздан бир 1/8 3 та улуш 
Қиз 
ярим 1/2 
12 та улуш 
Ўғлининг қизи 
олтидан бир 1/6 
4 та улуш 
Она 
олтидан бир 1/6 
4 та улуш 
Ўғлининг 
ўғлининг ўғли 
қолган мероснинг 
барчаси 
1 та улуш 

---