Ишланмаси кейснинг педагогик паспорти

Педагогик аннотация.



Ўқув предмети: Умумий физиканинг “Электр ва магнетизм курси”
Таълим йўналиши: Бакалавриат “Физика” – 5440100
Таълим курси: 2
Мавзу: Ўзгармас ток мураккаб занжирининг параметрларини ҳисоблаш


Кейснинг асосий мақсади:

1. 
   Таълимий: Ўзгармас токнинг мураккаб электр занжири, унинг тазилиши, амал қилиш соҳалари ҳақидаги талабалар эгаллаган билимларини текшириш ва шундай занжир параметрларини ҳисоблашни уларга ўргатиш;
   
2. 
   Ўқув режавий: ишчи ўқув режасида кўрсатилган масалаларни ишлаш ва шу жараёнда келгуси фаолияти учун асқотадиган асосий малака ҳамда кўникмалар ҳосил қилиш;
   

Ўқув фаолиятидан кутиладиган натижалар:

1. 
   Мураккаб электр занжирлари параметрларини Ом қонунлари ёрдамида ҳисоблаш қийинлигини билиб олиш;
   
2. 
   Кирхгоф қонунларининг моҳиятини тушуниш, уларни мураккаб занжир параметрларини ҳисоблашга қўллаш жараёнида дастлаб юзага келадиган муаммоларни (занжир қисмларидаги токнинг, берк занжирдаги ток манбаи ЭЮКи йўналишини аниқлаш ва ҳ.) ечиш ва сўнгра занжир параметрларини аниқлашга назарий билимларни қўллаш;
   
3. 
   Мураккаб электр занжирларининг амал қиладиган асбоб – ускуналарни билиш.
   

Ушбу Кейснинг муваффақиятли амалга ошириш учун талабалар олдиндан қуйидаги билим ва кўникмаларга эга бўлмоқлари зарур:
Талаба олдиндан билиши керак: электр токи, ток кучи, Ом қонунлари, ток манбаининг ЭЮКи, токнинг ва ЭЮКнинг мураккаб занжирдаги йўналишлари, кучланиш тушиши (потенциаллар айирмаси).
Талаба амалга ошириши керак:

• 
  мавзуга оид материални – Кирхгоф қонунларини мустақил ўрганади;
  
• 
  дарс давомида пайдо бўладиган муаммонинг моҳиятини аниқлайди ва ечади;
  
• 
  мавзуга оид масалаларни мустақил ечади, натижаларни таққослайди, таҳлил қилади ва умумлаштиради; ўз нуқтаи назаридан мантиқий хулосалар чиқаради.