Investitsiyalar hisobi reja xo‘jalik yurituvchi sub’ektlarda investitsiyalar hisobini tashkil etish

---

INVESTITSIYALAR HISOBI 
REJA 
 
1. Xo‘jalik yurituvchi sub’ektlarda investitsiyalar hisobini tashkil etish 
2. Investitsiyalarni turkumlash va baholash 
3. Dividendlar hisobi. 
4. Uzoq muddatli investitsiyalar hisobini yuritish tartibi 
5. Qisqa muddatli investitsiyalar hisobi. 
6. Kapital qo‘yilmalar hisobi. 
 
 
1. Xo‘jalik yurituvchi sub’ektlarda investitsiyalar hisobini tashkil etish 
Xo‘jalik sub’ektlari bilan uning tashqi va ichki manbalari o‘rtasida investitsiya 
resurslarining eng samarali harakatini ta’minlash borasida qaror qabul qilish investitsiyalarni 
boshqarishdagi asosiy vazifa hisoblanadi. Shuning uchun moliyaviy investitsiyalar resurlari 
oqimini boshqarish investitsiya faoliyatini boshqarishdagi markaziy masala hisoblanadi. 
Investitsiya faoliyatini boshqarish jarayonida sub’ektni uchta izchil bosqichga ajratish 
mumkin: zarur axborotni yig‘ish va to‘plash; uni tahlil qilish; boshqaruvga oid investitsion qarorlar 
qabul qilish. 
Bozor munosabatlari sharoitida buxgalteriya hisobi ichki va tashqi foydalanuvchilarga eng 
muhim ma’lumotlarni etkazib beruvchi vazifasini o‘tab, maqbul boshqaruv qarorlarini ishlab 
chiqishga ko‘maklashadi, bunday qarorlar amalga tatbiq etilishi natijasida korxonaning ishlab 
chiqarish potentsiali oshadi va raqobat bozorida uning mavqei ko‘tariladi. Biroq tezroq boshqaruv 
qarorlarini ishlab chiqish, hisobot yuritish tizimida mavjud bo‘lgan va buxgalteriya hisobi 
hisobvaraqlarida, hisob registrlari va hisobotlarida aks ettirilgan ma’lumotlarda umuman 
etishmaydi. 
Investitsiya inglizcha 
investment
so‘zidan olingan bo‘lib, sarmoya qo‘yish degan ma’noni 
anglatadi. O’zbekiston Respublikasining «Investitsiya faoliyati to‘g‘risida»gi Qonunining 2-
moddasiga binoan,