Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Ёнғинга қарши тўсиқлардаги эшик ўринларини ҳимоя қилиш.

/14; 15;20/
Ёнғинга қарши тўсиқлар эшик ўринларини ҳимоя қилишга мўлжалланган ёнғинга қарши эшикларнинг турлари. Ёнғин шароитида бир қаватли темир эшикнинг ҳолати. Иссиқликдан изоляция қилинмаган темир эшиклар ишлатиладиган вазиятлар. Ўтга чидамлилик талаб этилган чегарасини таъминлай оладиган эшиклар тузилишига қўйиладиган талаблар. Ёнғинга қарши тўсиқ сифатида ёғоч эшиклардан фойдаланиш.
Ёнғинга қарши эшиклар ёнғинга қарши деворлар ёки бошқа ёнғиндан сақлайдиган тик тўсиқлар эшик ўрнини ҳимоя қилишга мўлжалланган.
Ёнғинга қарши эшиклар тури ва уларнинг ўтга чидамлилиги минимал чегарасини ШНҚ 2.01.02-04 «Бинолар ва иншоотларнинг ёнғин хавфсизлиги» 2 жадвалига мувофиқ қабул қилиш керак.

Ёнғинга қарши тўсиқлар	Ёнғинга қарши тўсиқлар ва тўсиқ қисмларининг турлари	Ёнғинга қарши тўсиқ-лар ва тўсиқ қисмла-рининг оловга бардошлилик чегараси, с
Ёнғинга қарши эшик	1 2 3	1,2 0,6 0,25

Эшиклар бинони бўлмаларга ажратадиган ёнғинга қарши деворларда, турли даражада ёнғинга хавфли бўлган ва турли вазифаларни бажарадиган ишлаб чиқариш ҳамда функционал жараёнларни бир-биридан ажратиб турадиган пардеворларда ўрнатилади. Бир бинода турли жараёнлар тўплангани сабабли ёнғинга қарши пардеворлар вазифаси, демак, эшик-деразалар ўрнини ҳимоя қилиш масаласи ҳам катта аҳамиятга эга бўлади
Портлаш ва ёнғиндан хавфли ишлаб чиқариш корхоналарида зина катакларини ҳимоялаш учун алоҳида аҳамият берилади. Амал қилаётган ёнғинга қарши меъёрларга мувофиқ, зина катагидан А ва Б тоифаларига оид ишлаб чиқариш хоналарига кириш жойларида ёнғинга қарши эшиклар билан ҳимояланган бўлиши керак. Ёнғинга қарши эшиклар оммавий равишда ишлатилиши сабабли уларнинг турли тоифалари ишлаб чиқилган.

15.