Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Сатҳи ўзгарувчан аппаратлардаги фазонинг ёнувчанлигини баҳолаш. Ёнғин хавфсизлиги чоралари /1; 2; 10; 11; 24/

Суюқлик сатҳи ўзгарувчан аппаратлар, уларнинг тавсифи ва ёнғин хавфсизлиги. Ёнувчи муҳит ҳосил бўлишининг олдини олувчи техник ечимлар.
Суюқлик сатҳи ўзгарувчан аппаратларга технология талабларига биноан вақти-вақти билан тўлдириладиган ёки бўшатиладиган енгил алангаланувчи ва ёнувчи суюқликли сиғимлар киради.
Агар сиғимнинг газли фазосида тўйинган буғлар концентрацияси мавжуд бўлса ва бу фазо ҳаво алмашинишидан ҳимояланган бўлса, у ҳолда ва кейинги узоқ вақт суюқлик сатҳи ўзгармаганида суюқлик сатҳининг юқорига кўтарилиши шу бўш фазодаги газ ҳолатга таъсир кўрсатмайди. Бу ҳолда ёнувчи муҳитни, ёнғин тарқалишининг ҳарорат чегараси орқали баҳолаш ўз кучини сақлаб қолади. Лекин суюқлик сатҳи пасайган вақтида аппарат ичига («нафас» олиш мосламаси орқали) ҳаво киради ва тўйинган буғлар концентрациясини камайтиради. Агар сиғим ичидаги буғлар концентрацияси алангаланишнинг юқориги концентрация чегарасидан юқори бўлса, суюқликнинг сатҳи пасайиши натижасида сиғимнинг бўш қисмида ёки ҳаво кираётган зонасидаги буғли - ҳаво аралашмаси ёнувчан бўлади.
Аппаратнинг тўхтовсиз цикл бўйича ишлаши (тўлдирилиши ҳамда бўшатилиши) натижасида ишлаш вақтининг кўп қисмида буғлар концентрацияси тўйинган буғлар концентрациясига тенг бўлади. Бу ҳолда буғли - ҳаво аралашмасининг ёнувчанлигини баҳолаш қуйидаги муносабат билан бажарилади.
_к  _и  _ю.
бу ерда, _и - буғларининг ўзгарувчан концентрацияси, у ҳисоблаш ёки эксперимент йўли билан аниқланади.
Суюқлик сатҳи ўзгарувчан ёпиқ аппарат ва сиғимлар ичида ёнувчи муҳит ҳосил бўлишига қарши қуйидаги техник ечимларни қабул қилиш мумкин:
а) сиғимлардаги газ фазосини сузиб юрувчи том ва понтон ёрдамида йўқотиш;
б) сиғимларнинг газ фазосини ёнмайдиган (инерт) газлар билан тўлдириш;
в) бирданига бўшатиладиган сиғимлар сонини кўпайтириш йўли билан суюқлик сатҳини ўзгариш тезлигини камайтириш;
г) бўшатилаётган аппаратларга ҳаво киришини чегаралаш мақсадида синхрон ишловчи сиғимлар ва газ фазосини ўзаро қувур ёрдамида улаш.

3.