Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Комбинацияланган учқун ўчиргичлар иккита бир-бирига кийдирилганга ўхшаш учқун ўчиргичлардан иборат, яъни турбина-айланма чашкали ва турбина-айланма ёриқли овоз ўчиргич. Бу учқун ўчиргични қуймали корпус ва турбинкалар ўрнига штамповкали бўлганлиги сабабли оғирлиги бир мунча енгиллаштирилган. Бундай учқун ўчиргичларни учқун ўчириш унумдорлиги юқори ҳисобланади.
Шу билан бир қаторда ғалла ташишга мўлжаллаган автомобиллар учун ишлаб чиқарилган учқун ўчиргич билан ушбу автомобиллар жиҳозланиши зарур.
Қўзғалмас трактор ва локомобиллар учун (махсус конструкцияли қуруқ учқун ўчиргичдан ташқари) сув ва сув буғи билан ишлайдиган учқун ўчиргичдан фойдаланишни йўлга қўйишди.
Барча учқун ўчиргичларни конструкцияларида учқунни ўчириш қуйидаги факторлар йиғиндисига боғлиқ :

1. 
   Қаттиқ заррани (учқун) тор тешикдан (тўр ораси) ўтиши ёки конусда (цилиндр) марказдан қочиш кучи таъсирида айланиши ҳисобига емирилади, бу қизиган заррани кичрайиб бориши ва совушига олиб келади.
   
2. 
   Заррани (учқун) юқори иссиқлик ўтказувчан материаллар билан (учқун ўчиргич корпуси, сув) тўқнашиши натижасида иссиқликни бериб юбориши.
   
3. 
   Газ оқими тезлигини камайиши ва йўналишини ўзгариши ҳисобига йирик зарраларни (учқунлар) тушиб қолиши.
   
4. 
   Атмосферага қадар чиқиш йўлини катта бўлганлиги (учқун ўчиргич ҳисоби билан) туфайли учқунни совуши.
   

Учқун ўчиргичларни кўрикдан ўтказиб маҳкамлаш ва тозалаш ишлари комбайн ва тракторларни жорий ва ўрта таъмирлаш ишлари вақтида бажарилади.

16. 
    Механик энергиянинг иссиқлик кўриниши ёндириш манбаи сифатида. Хавфсизлик чоралари
    

/1; 2; 3; 10; 11; 21; 24/
Ишлаб чиқаришда механик энергиянинг ёндириш манбаи сифатидаги кўринишлари. Уларнинг ёнғин хавфи ва хавфсизлик чоралари. Механик энергиянинг ёндириш манбаи сифатида учрайдиган ишлаб чиқариш жараёнлари.
Ишлаб чиқариш шароитида механик таъсир натижасида ҳосил бўладиган ёндириш манбалари қаттиқ жисмларнинг тўқнашувида, уларнинг ўзаро ишқаланиши, қаттиқ моддаларга ишлов бериш, газларни сиқиш натижасида механик энергиянинг иссиқлик энергиясига ўтиши, учқун чиқиши ёки катта миқдорда иссиқлик ажралиши билан белгиланади.
Бундай ҳодисаларга мисол қилиб:
- қаттиқ жисмларнинг тўқнашувидан ҳосил бўлган учқунлар;
- машинага металл ёки тошларни келиб урилишидан ҳосил бўлган учқунлар;
- машиналарнинг ҳаракатланувчи мосламаларининг қўзғалмас қисмларига урилиши натижасидаги учқунлар;
- машина ва аппаратлардаги подшипникларни ўта қизиб кетиши ҳисобига ёниб кетиши;
- валларга толасимон материалларнинг ўралиб қолиши;
- транспортёр ленталарининг барабанларга ишқаланиши ва бошқаларни келтиришимиз мумкин.
Бунда ишқаланиш натижасида қизиган жисмлар яқинида жойлашган ёнувчи материалларнинг алангаланиб кетиши кузатилиши мумкин.
Хавфсизлик чоралари: 1. Аппаратларга материалларни беришдан олдин уларни қаттиқ жисмлардан (тош, сим бўлаклари) тозалаш зарур. Бунда тошушлагич ва магнит сепараторларидан фойдаланилади; 2. Машиналарнинг ўзаро қарама-қарши ҳаракатланувчи деталларини ўз вақтида техник кўрикдан ўтказиш ва мойлаб туриш зарур; 3. Подшипникларни ўз вақтида мойлаш; 4. Валларга толасимон материаллар ўралмаслиги учун ҳимояловчи фтулкалар (қобиқлар) ўрнатиш; 5. Транспортёр ленталарининг таранглигини назорат қилиб туриш зарур.

17.