Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Нафас олувчи аппаратларнинг ёнғин хавфи. Ёнғин хавфсизлиги чоралари /1; 2; 8; 10; 11; 24; 25/

Нефт ва нефт маҳсулотлари резервуарларининг "катта" ва "кичик" нафас олиши ва уларнинг ёнғин хавфи тўғрисида маълумот бериш. «Нафас» олувчи аппаратлардаги ёнғин хавфини камайтиришдаги техник ечимлар.
Ёпиқ аппаратларни нормал ишлатилишида, уларнинг ички ҳажми ташқи атроф муҳит билан бевосита боғлиқлиги талаб қилинади. Аппаратлардаги суюқлик буғлари атмосферага ёки хонага нафас олиш ускуналари, ёки очиқ люклар орқали, «катта» ва «кичик» нафас олиш ёки қайта чиқариш натижасида кириб-чиқади. «Катта нафас олиш» деб, аппаратлардаги суюқлик сатҳининг ўзгариши натижасида буғларнинг ташқарига сиқиб чиқарилишига (ёки ичига сўрилишига) айтилади.
«Кичик нафас олиш» деб, ташқи муҳит ҳарорати таъсирида аппарат ички газ фазоси ҳароратининг ўзгариши натижасида буғларнинг сиқиб чиқарилишига (ёки ичига сўрилишига) айтилади.
«Қайта нафас олиш» деб, идишнинг навбатдаги бўшатилганидан кейин ҳосил бўлган газли фазога суюқлик буғлари тўлганидан сўнг ташқарига сиқиб чиқарилишига айтилади.
Агар суюқликнинг ҳарорати ёниш чегарасининг энг қуйи қийматига тенг ёки ундан катта бўлса, аппаратдан буғли - ҳаво аралашмасининг чиқиш жойи атрофида ёнувчи буғлари концентрацияси ҳосил бўлади, яъни Т  Т_ҚАЧ.
Ташқи хавфли зонанинг ўлчами чиқаётган буғларнинг миқдорига, уларнинг хусусиятларига, сиғим конструкциясига ва унинг нафас олиш мосламасига, шунингдек атроф муҳитнинг ҳолатига боғлиқ (асосан ҳаракат тезлигига ва ҳаво ҳароратнинг вертикал тақсимланишига).
Суюқлик буғларининг йўқолишини камайтириш ва нафас олувчи аппаратлар атрофида портлаш ва ёнғин ҳолатини пасайтириш мақсадида қуйидаги техник ва ташкилий тадбирларни ўтказиш мақсадга мувофиқдир.

1. 
   Резервуарларда буғли - ҳаво бўлишини йўқотиш;
   
2. 
   Газли фазо ҳажмининг доимийлигини таъминлаш.
   
3. 
   Резервуарларни ҳарорат таъсиридан ҳимоя қилиши.
   
4. 
   Резервуарларни нурларни қайтарувчи очиқ рангли аралашма билан бўяш.
   
5. 
   Резервуарларни сув сочиш қурилмалари билан ҳўллаб туриш.
   
6. 
   Резервуарларнинг газли фазосини нафас олувчи клапанлар билан беркитишни таъминлаш. Паст босимли клапанлари (0,5...2 кПа) буғланишдаги йўқотишни  310% камайтиради. Айрим ҳолларда ишчи босими 20 кПа ва ундан ортиқ бўлган идишлар лойиҳаланади ва қурилади. Қишки мавсумида резервуарлар ва идишлар музламайдиган нафас олувчи клапанлар билан жиҳозланган бўлиши керак.
   
7. 
   Буғларни ушлаб қолиш ва улардан қайта фойдаланиш мосламалар тизимини амалга киритиш.
   
8. 
   Нафас олучи қувурларни бино ташқарисига чиқариш.
   

7.