Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Иссиқликни изоляция қиладиган сувоқлар. Вермикулит ёки перлит қумидан бажарилган тўлдирувчидан иборат сувоқ таркибига цемент ёки гипс ҳамда суюқ шиша киради.
Оловга бардошликни ошириш учун таркибларга вермикулитдан ташқари минерал пахта ва асбест қўшилади. Ёпишқоқликни таъминлайдиган моддани танлаш конструкцияни ишлаши намлик режимига боғлиқ. Суюқ шиша ва гипсдаги аралашмалар намлиги 60 % гача бўлган хоналарни сувоқ қилиш учун қўлланилади. Иссиқликни изоляция қиладиган сувоқларни ҳажмий вазни тўлдирувчи ва ёпишқоқликни таъминлайдиган моддага қараб 300-470 кг/м³ ни ташкил этади. Иссиқликни изоляция қиладиган сувоқлар коррозияга қарши ҳисобланмайди, шунинг учун агрессив муҳитда фойдаланишда сувоқдан олдин металл конструкция сиртига коррозияга қарши ҳимоя таркиблари билан ишлов берилиши керак.
Оловдан ҳимоя қопламлари. Металл конструкциялар учун оловдан ҳимоя қопламларининг бир неча таркиблари ишлаб чиқилган. Улар ичида ҳажми 250-300 кг/м³ ни ташкил этадиган ОФП-ММ фосфат қопламлари кенг тарқалган. Қоплама таркибига сифати паст бўлган асбест ёки шлакли (донали) минерал тола, суюқ шиша ёки нефелин қотирувчиси киради. Дастлабки композиция сарфи металл конструкцияни талаб этиладиган оловга бардошлик чегарасига боғлиқ ҳолда 6-15 кг/м² ни ташкил этади.
ОФП-ММ қопламини пўлат конструкцияларни ҳимоялаш учун қўлланилади (колонналар, тўсин, ромлар). Қопламадан фойдаланиш 70 % дан ошмаган намликда тавсия этилади. Ҳавонинг намлиги юқори бўлганда ишлаш учун қопламани эмал қатлами билан изоляция қилинади.
Тез қотувчи цемент асосидаги қоплама таркибига БТЦ-500 (62,5 %) тез қотувчи цемент, перлит (10 %), суюқ шиша (6,2 %) киради.
Оловдан ҳимоя қопламини тайёрлаш ва суртиш технологияси оддий, бу эса уларни завод шароитларида ҳам қўллаш имконини беради. Уларни тайёрлаш учун компонентлар саноат масштабида тайёрланади. ОФП-ММ қоплами таркибига фосфат қотирувчисини киргизиш, қопламани термик қуритишни ҳожати йўқлигини таъминлайди, физика-механик кўрсаткичларини яхшилайди ва оловдан ҳимоялаш хусусиятини оширади.