Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

___- сонли Буйруқ


«……- сонли болалар боғчаси»
мактабгача тарбия муассасасининг ёнғин хавфсизлиги тўғрисида

«……-сонли болалар боғчаси»нинг ёнғин хавфсизлигини таъминлаш мақсадида:

1. Кўнгилли ёнғин ўчириш дружинаси (КЁЎД) шаклида қуйидаги таркибдан иборат ёнғин ўчириш бўлинмаси тузилсин:
тарбиячи – болалар боғчаси методисти – сардор (командир). «01» хизмати келгунга қадар инсонларни эвакуацияси ва ёниш ўчоғини чеклаш бўйича ҳаракатларга раҳбарлик қилади;
мусиқа раҳбари – сардор (командир) ўринбосари. «01» орқали ёнғин ҳақида хабар беради, раҳбарият ва ходимларни огоҳлантиради, ёнғин ўчириш автомобилларини кутиб олади. Ёнғин ўчиргичлар билан ишлайди;
хўжалик мудири – эвакуация ва ёнғинни чеклаш бўйича ҳаракатларни бажаради. Ички ёнғин ўчириш кранлари билан ишлайди;
қоровул – электр тармоғини зудлик билан ўчирилишини таъминлайди.
2. Қуйидаги таркибдан иборат ёнғин-техник комиссияси ташкил этилсин:
комиссия раиси – болалар боғчаси мудири;
комиссия аъзолари – тарбиячи–болалар боғчаси методисти, хўжалик мудири.
Ёнғин-техник комиссияси йилига тўрт маротаба болалар боғчасининг кўйидаги хоналарини текшириши зарур: ертўлаларни, мусиқа зали, спорт зали, физиотерапия зали, гуруҳлар хоналари, ётоқ хоналари, зина катакларини. Текширилганлик тўғрисида мажбурий тарзда далолатнома тузилиб, унда камчиликлар ёритилиши, уларни бартараф этиш муддатлари кўрсатилиши керак.
3. ……. хоналарнинг ёнғинга қарши ҳолатига жавобгар шахслар тайинлансин:
Болалар боғчасининг алоҳида хонасига жавобгар шахс, ҳар иш кунининг якунида барча электр асбобларни тармоқдан ўчирган ҳолда, ҳар бир хонанинг беркитилишидан аввал, ёнғиндан хавфли предметларни аниқлашга кўздан кечириши зарур.
4. Болалар боғчаси хоналарида электр иситиш асбобларидан фойдаланиш тақиқлансин.
5. Хоналарда, ҳожатхона ва болалар боғчаси биносининг бошқа қисмларида ҳамда боғча ҳудудида чекиш тақиқлансин.