Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Эвакуация йўллари ШНК 2.01.02-04 меъёрий ҳужжат талабларини ҳисобга олган ҳолда лойиҳаланиши керак; уларнинг таркибига лифт ва эскалаторлар билан биргаликда қуйидаги қисмлар кирмаслиги керак:
- лифт шахталарини тўсиб турадиган конструкциялар, шу жумладан,лифт шахталари эшиклари ёнғинга қарши тўсиқларга қўйиладиган талабларга жавоб бера олмаганида лифтдан чиқиб, коридор орқали олиб борадиган йўл;
- зина катагининг майдончаси коридорнинг бир қисми бўлганида зина катагининг «ўтиш» қисми;
- бинолар томи, эксплуатация қилинаётган том ёки томнинг махсус ускуналанган қисми бундан истисно;
- иккидан ортиқ қават (поғонани) улайдиган 2-турдаги зиналар ҳамда ертўла ва пастки қаватлардан олиб чиқадиган зиналар (ШНК 2.01.02-04 да кўрсатилган ҳолдан ташқари).
IV даражада ўтга чидамли бинолар ва С3 тоифасидаги бинолардан ташқари ўтга чидамлилик ва конструктив ёнғин хавфсизлиги бўйича барча турларидаги биноларда эвакуация йўллари учун қуйида кўрсатилган материалларга қараганда ёнғинга хавфлироқ бўлган материалларни ишлатиш мумкин эмас:
- Г1, В1, Д1, Т1 – девор ва шифтларга ишлов бериш, вестибюл, зина катаклари, лифт олди хоналар осма шифтларини тўлдириш учун;
- Г2, В2, Д3, Т3 ёки Г2, В3, Д2, Т2 – девор ва шифтларга ишлов бериш, умумий коридор, холл ва фойелар осма шифтларини тўлдириш учун;
- Г2, РП2, Д2, Т2 – вестибюл, зина катаклари, лифт олди хоналар полини қоплаш учун;
- Г3, РП2, Д3, Т2 – умумий коридор, холл, фойелар полини қоплаш учун.
Эвакуация йўли горизонтал қисмининг баландлиги камида 2 м. бўлиши керак, бундай қисмнинг ва нишаб йўл (пандус)нинг кенглиги камида бўлиши керак:
- 1,2 м – Ф1 турдаги хоналардан 15 дан ортиқ киши, ёнғин функционал хавфи бошқа турларига кирадиган хоналардан 50 дан ортиқ киши эвакуация қилиниши мумкин бўлган коридорлар учун;
- 0,7 м – бир киши ишлайдиган иш жойига ўтиш йўллари учун;
- 1,0 м - қолган барча ҳолларда.
Ҳар қандай ҳолда эвакуация йўлининг кенглиги шундай бўлиши керакки, унинг геометриясини ҳисобга олиб, бу йўлдан носилкада ётган кишини тўсиқсиз олиб ўтиш мумкин бўлиши керак.
Эвакуация йўллари полида эшик остонасидан ташқари жойларда 45 сантиметрдан камроқ баландлик фарқи, дўнгликлар бўлмаслиги керак.
Баландлик фарқи бор жойларда камида 3 супачали зина ёки 1:6 қиялигидаги нишаб йўл (пандус) назарда тутилиши керак.
Зинанинг баландлиги 45 см дан ошса, суянчиқли тўсиқ ўрнатилади.
Эвакуация йўлларида винтсимон зиналар, учбурчак зиналар ёки зина катаги ва марши чегарасидаги супачалар баландлиги ва кенглиги бир-биридан фарқ қиладиган зиналар ўрнатилиши мумкин эмас.
Қутқарув (эвакуация) йўли узунлиги бўйича хавфсизлик шарти Lамалда Lталабда кўринишида тўғри ифодаланади.

33.