Директор ўринбосарининг асосий вазифалари
Ўқувчи- ёшлар дунёқарашини шакллантиришда миллий ва умуминсоний қадриятлар, халқимизнинг бой тарихий, маъданий ва маънавий мероси асосида уларни ватанпарварлик , меҳнатсеварлик, инсонпарварлик, иймон- эътиқод, мехр- шафқатлилик, каби инсоний фазилатлар мисолида ҳар томонлама баркамол авлодни тарбиялайди.
«Таълим тўғрисида»ги қонун, «Кадрлар тайёрлаш миллий дастури» Республика Олий Мажлиси сессияси материаллари, Призидент фармонлари, асарлари, нутқлари, ҳукуматимиз қарорлари, таълим бошқаруви органлари меъёрий хужжатлари, талаблари асосида ўз ишини амалга оширади;
- директор ўринбосари тарбиявий ишларини режалаштиришда, синф раҳбарининг қизиқишлари, топшириқларини қай даражада бажара олишларини ҳисобга олади;
- Ўқувчиларда ватанга муҳаббат, Ўзбекистон Республикаси Президенти, конститутцияси ва давлат рамзларига садоқат хисларини тарбиялайди;
- маънавий, ахлоқий, жисмоний баркамоллик, иқтисодий, ҳуқуқий, меҳнатсеварлик, истеъдодли ёшларни аниқлаш ва тарбиялаш.
- ёшларимиз онгига она Ватанга, буюк аждодларимиз мероси ва ҳалқимизнинг бугунги бунёдкорлик ишларига юксак эҳтиром туйғуларини сингдириб боради;
- қадимги тарихий ёдгорликлар ва мустақиллик даврида бунёд этилган маърифат масканларига, табиатимиз қуйнига саёҳатлар, музей ва кўргазмаларига экскурсиялар ташкил этади;
- ота-оналарни мактабга таклиф этиш, ҳокимият қошидаги вояга етмаганлар билан ишловчи комиссия ишида, корхоналардаги мактаб ҳамкорлик кенгашларида, методик ишларда катнашади;
- бошқа таълим-тарбия масканлари иш тажрибасини ўрганади;
- тарбиявий ишларга барча ўқувчилар жамоаси, «Камолот» жамғармаси ва бошқа ташкилотлар, болалар етакчиси, махалла ва ота-оналар кўмитаси аъзоларини жалб қилади;
- мактабдан ва синфдан ташқари тарбиявий ишларни йулга қуйишда барча тўгарак, бирлашмаларга, эркин фикрловчи «Фидокорлар» клубига ўқувчиларни, синф раҳбарлари билан ҳамкорликда жалб қилади;
- ислом ва республика аҳолиси эътиқод қиладиган бошқа динларнинг тарихий, илмий асослари тўғрисида алохида чуқур билимларни дунё динлари тарихи воситаси орқали шакллантирилади;
- экстремизм ва диний ақидапарастликнинг ҳар қандай шакллари реакцион мохиятини кенг тушунтириш, унинг ёшларга таъсирининг олдини олиш бўйича чора- тадбирлар ишлаб чиқади хамда уни хаётга тадбиқ қилади;
- синф ва тўгарак раҳбарлари билан маънавий-маърифий, тарбиявий ишларни олиб боради ҳамда методик адабиётлар банкини ташкил этади;
- мактаб психолог мутахассиси билан ҳамкорликда иш олиб боради;
- ҳафтанинг ҳар жума куни мамлакатимиз ва жахондаги сиёсий, ижтимоий, маънавий ўзгаришлар ҳақида «Янгиликлар соатини» ўтказиб боради.
Директор ўринбосари йил давомида 2 маротаба (1- ва 2- ярим йилликда) мактаб педагогика кенгашида ҳисобот беради.
Do'stlaringiz bilan baham: |