I қисм. Машинасозлик технологияси асослари I боб. Машиналарни ишлаб чиқариш

Базаларнинг доимийлик тамойили. Базаларнинг доимийлик тамойили шундан иборатки, бунда технологик жараённи ишлаб чиқиш пайтида доимо битта ва ўша технологик базани қўллашга ҳаракат қилиш ва унча керакли бўлмаган ҳолларда технологик базаларни алмаштирмасликка ҳаракат қилиш керак (дастлабки базани алмаштириш бунга кирмайди).
Ишлов беришни битта технологик база бўйича олиб боришга ҳаракат қилиш технологик базаларни ҳар қандай алмаштириш сиртларнинг ўзаро жойлашиш хатолигининг ортишига ва шу технологик базаларнинг жойлашишига қўшимча равишда хатоликларнинг пайдо бўлиши билан тушунтирилади.


5.8-расм. Пармалаш ва йыниб кенгайтиришда базаларнинг доимийлик тамойилини =ыллаш.
Масалан, агар 5.8-расм (а) да тасвирланган заготовкага ишлов беришда тўртта кичик тешик симметрия ўқининг марказий тешик ўқи билан йўл қўйиладиган хатолик    0,1 мм билан ўриндошлигини таъминлаш талаб этилса ва турли хил А ва В базалардан фойдаланилган ҳолда марказий тешикни йўниб кенгайтириш токарлик дастгоҳида, тўртта кичик тешикни эса кондукторда тешилса, у ҳолда ўқларнинг ҳақиқий силжиши фойдаланилган базаларнинг ўзаро жойлашиш хатолигига тенг бўлади, яъни 100 мм ли ўлчам допуски катталигига тенг бўлади. Буни технологик ўлчам занжири ҳисобидан ҳам кўриш мумкин (5.8-расм):


Кичик тешикларни тешиш кондукторда бажарилганлиги учун уларнинг ўртасидаги ўлчам аниқ (60 мм ўлчам) бажарилади, шунинг учун 30 мм ли ўлчам шартли равишда доимий деб қабул қилинган.
Базаларни ўзгартирмаган ҳолда бажарилган (А текисликка нисбатан) иккала операцияни кўриб чиқилганда, қисқа ва таркибида 100 мм ли ўлчам бўлмаган технологик ўлчам занжири бўйича аниқланган ўқлар силжишининг ўзгариши камайишини кўриш мумкин, яъни:

^max50_max — 30 – 20_min50  0,05— 30 -- (20 –0,05) 0,1 мм.

^min50_min — 30 – 20_max50 –0,05— 30 -- (20  0,05) -0,1 мм.

Бунда чизмада ўқларнинг ўриндошлигига қўйилган  0,1 мм катталикдаги хатолик бажарилади.

Заготовкаларга турли операцияларни ишлов бериш пайтида доимий технологик базани сақлаш ишлов бериладиган сиртларнинг ўзаро жойлашиш хатолигини камайтиради, лекин амалиётда баъзи ҳолларда бу талабни бажариш мосламалар конструкциясининг мураккаблашишига ва уларнинг қимматлашувига олиб келади. Бундай ҳолларда технологик ишлов бериладиган сиртларнинг жойлашиш хатолигининг ортишини ҳисоблаб чиқиб, нисбатан қулай бўлган технологик базаларга алмаштирилади.

Синов саволлар

1. 
   Машинасозликда базалаш ва базалар деганда нималарни тушунасиз?
   
2. 
   Деталга механик ишлов бериш учун керак бўлган базалар сони ва уларнинг технологик ҳужжатларда белгиланишини айтиб беринг.
   
3. 
   Конструкторлик, ўлчаш ва технологик базалар деганда нималарни тушунасиз?
   
4. 
   Созлаш, текшириш, ёрдамчи ва сунъий базаларни тушунтириб беринг.
   
5. 
   Технологик базаларни танлаш. Заготовкага ишлов бериш учун дастлабки (дағал) базани танлаш.
   
6. 
   Базаларнинг ўриндошлик ва доимийлик тамойилларининг деталга ишлов беришда аниқликка таъсирини кўрсатиб беринг.
   
7. 
   Технологик база конструкторлик базаси билан ёки ўлчаш базаси билан мос тушмаса технолог қандай йўл танлайди?
   
8. 
   Дастлабки технологик базани қандай танланади?