Hususiy kapital hisobi va auditi

Qo’shma korxona O’zbekiston hamda xorij korxonalari hissalari asosida tashkil topadi. Qo’shma korxonaning ustav kapitaliga hissa tariqasida tabiat resurslaridan, intellektual mulkdan foydalanish huquqi, nou-xau, moddiy va pul vositalari, shu jumladan, chet el valyutasi berilishi mumkin.
Ustav kapitali korxona xususiy kapitalining ajralmas qismi bo’lib. yuridik shaxs moliyaviy holatining tavsifida undan keng foydalaniladi. Masalan, moliyaviy barqarorlik, ishbilarmonlik faolligi, rentabellikni baholash paytida.
Ustav kapitalining hajmi xo’jalik jamiyati mol-mulkining eng kam miqdorini belgilaydi, u kreditorlar manfaatlarini qondirish kafolati bo’lib xizmat qiladi.
Xo’jalik jamiyatlari, xususan mas’uliyati cheklangan jamiyatning (MCHJ) ustav fondi uning muassislari ulushlari nominal qiymatidan tashkil topadi. Uni shakllantirish tartibi va hajmini «Mas’uliyati cheklangan hamda qo’shimcha mas’uliyatli jamiyatlar to’g’risida»gi Qonun belgilaydi. Uning 14- moddasiga ko’ra MCHJ ustav kapitalining eng kam miqdori jamiyatni davlat ro’yxatidan o’tkazish uchun hujjatlarni taqdim etish sanasidagi holatga ko’ra belgilangan eng kam ish haqining (EKIH) 40 baravaridan kam bo’lmasligi lozim. Faoliyatning ayrim turlari bilan shug’ullanadigan korxonalar uchun amaldagi qonun hujjatlarida ustav kapitallarining boshqa eng kam miqdorlari belgilangan.
Qonun xujjatlari bo’yicha bugungi kunda ustav kapitalini shakllantirish miqdoriga oid quyidagi talablar mavjud. (1-jadval).


1-jadval


Ustav kapitali (ustav fondi) miqdoriga qonun xujjatlari bo’yicha qo’yilgan talablar

№

Yuridik shaxsning tashkiliy-huquqiy shakli

Ustav fondi (ustav kapitali)ning eng kam miqdori