Huquqiy madaniyat va huquqiy tarbiya asoslari

Xuquqiy ta'lim va tarbiya.

Huquqiy ta'lim va huquqiy tarbiya kampaniya tarzida emas, balki ma'lum maqsadni ko‘zlab, rejali va samarali tarzda, turli ijtimoiy guruhlarning xususiyatlarini inobatga olgan holda olib borilishi lozim. Shuni alohida ta'kidlash joizki, hali huquqiy madaniyatni yuksaltirish va huquqiy tarbiya masalalari bo‘yicha o‘tkazilayotgan ilmiy ishlar yetarli emas. Huquqiy madaniyat davlat, qonun va konstitutsiya talabi nuqtai nazaridan yuridik xujjatlar, xukm va sud hujjatlarining hammasi ham talabga javob bermaydi.

Huquqni qo‘llash faoliyatini yaxshilash, aholiga huquqiy xizmat qilish sifatini ko‘tarish, huquqiy ma'lumotlar bilan ta'minlash, huquqiy tarbiya vositalari va usullarini takomillashtirish bo‘yicha katta ishlarni amalga oshirish mumkin. Bu ishda yuristlar va ularning uyushmalari o‘zlarining munosib ulushlarini qo‘shishlari zarur. Yuristlarning kasbiy faoliyati fuqarolarning huquqiy madaniyati va huquqiy ongiga ijobiy ta'sir ko‘rsatishni nazarda tutadi.
Huquqiy ta'lim va huquqiy tarbiya uzoq davom etuvchi, izchil, og‘ir va ko‘p qirrali jarayondir. U huquqqa oid ishlar saviyasini ko‘tarishni, barcha fuqarolar, mansabdor shaxslar va jamiyatning Konstitutsiya va qonunlarga qat'iy rioya qilishlarini talab kiladi.
Aholining huquqiy savodxonligini ta'minlashda yuridik axborot tizimining puxta ishlab chiqilgan bo‘lishi katta ahamiyatga ega. Hozir O‘zbekistonda o‘nlab yuridik jurnal va gazetalar nashr etilmoqda, yaqin o‘tgan yillarda bunday nashrlar umuman yo‘q edi. Shuni ham qayd etib o‘tish lozimki, mazkur nashrlarning hammasi ham ularning baland narxlarda ekanligi sababli keng kitobxonlar ommasiga, ayniqsa, yoshlarga yetib bormayapti. Shu boisdan maktab va boshqa o‘kuv yurtlarini gazeta va jurnallar bilan bepul ta'minlash imkoniyatlari tizimini ishlab chiqish zaruriyati tug‘ilmoqda. Bu narsa shubhasiz o‘zining ijobiy natijalarini beradi. Zero, bunda o‘quvchilar uchun mana shu nashrlardan kutubxonalar orqali foydalanish imkoniyati paydo bo‘ladi.
Huquqiy mavzuga radio va televidenie ham ko‘proq, e'tibor qarata boshladi. Televideniening qonunchilik va huquqni targ‘ib qiluvchi, yuridik savollarga javoblar beruvchi ko‘rsatuvlari aholi orasida borgan sari ko‘proq qiziqish uyg‘otmoqda.