39
Galvanoterapiya
deb past kuchlanishli (30-80 V) va kichik tok
kuchiga (50 mA gacha) ega bo’lgan elektr toki bilan davolashga aytiladi.
Galvanik tok akkumulyatorlar, o’zgarmas tok dinamlari yoki
o’zgaruvchan tokni o’zgarmas tokka
aylantirib beradigan boshqa
asboblar yordamida hosil qilinadi.
Galvanik tokning organizmga ta’siri quyidagicha bo’ladi: teri
hamda
shilliq
pardalardagi
reseptorlarni
qitiqlaydi,
elektroliz,
elektroforez (anoforez, katoforez), issiqlik effekti namoyon bo’ladi. Tok
kuchi kattalasha borgan sari to’qimalarning qaltirashi va keyinchalik,
og’riq sezish namoyon bo’ladi. Galvanik tok beruvchi apparat
elektrodlarning gavdani qaysi joyiga qo’yilganligiga qarab o’sha joydagi
chuqur joylashgan a’zolar to’qimalariga ta’sirot beriladi va oqibatda
moddalar almashinuvi hamda to’qimalarning funksional xususiyatlari
o’zgara boshlaydi.
Ta’sirotlarga javob reaksiyasi sifatida
teri kapillyarlari kengayadi,
fiziologik faollikka ega bo’lgan yangi moddalar (gistaminlar) paydo
bo’ladi. Bu o’zgarishlar nafaqat terida, balki chuqur joylashgan
a’zolarda ham yuz beradi. Masalan, bir valentli metall ionlarining katod
atrofida to’planishi hujayra membranasi yuzasining bo’shashi va uning
o’tkazuvchanlik qobiliyatining ortishiga olib keladi. Ikki valentli
kalsiy
ionlarining anod atrofida to’planishi natijasida hujayra po’stlog’i qotadi
va ta’sirlanish darajasi pasayadi.
Galvanoterapiya oqibatida moddalar almashinuvi, to’qimalarning
o’sishi va qayta tiklanishi, og’riqning pasayishi, faol giperemiya, bezlar
sekresiyasining kuchayishi namoyon bo’ladi. Dissosiyalanish jarayoni
tezlashadi, suyuq va kolloid zarrachalarning to’qima devori orqali
harakati (elektroosmos) kuchayadi. Bu murakkab jarayonlar natijasida
to’qimalararo moddalar almashinuvi
hamda patologik suyuqlik va
chiqindilarning so’rilib ketishi tezlashadi.
Galvanoterapiyadan falaj va yarim falajlar, nevralgiya, bug’in va
muskullarning revmatik va travmatik yallig’lanishlari, quloq oldi va
qalqonsimon bezlarning shamollashlari, gaymorit va frontitlarni
davolashda foydalaniladi.
Veterinariya amaliyotida galvanoterapiya uchun AGN-1 va AGN-2
apparatlari ishlatiladi. Bu apparatlar elektrod plastinkasining 1 sm
2
yuzasida 0,3-0,5 mA tok kuchiga ega bo’lgan elektr toki hosil bo’ladi.
Apparatning
ikkita elektrodi, gidrofil chuntakchalari va o’tkazgichlari
bo’ladi. Elektrodning plastinkalari qurg’oshindan tayyorlanib, kichik
40
o’lchamli elektrod plastinkasi faol, katta o’lchamli elektrod plastinkasi
passiv elektrod hisoblanadi.
Apparatni ishlatishdan oldin teri yuzasi junlardan tozalanib, gidrofil
chuntakchalar 1-2%-li natriy xlorid yoki natriy
sulfat eritmalari bilan
namlanadi. Elektrodlar xaltachalarga solinib, rezina bintlar yordamida
hayvon tanasiga mahkamlanadi.
Faol elektrodning qutbini aniqlashda ularning xususiyatlari e’tiborga
olinadi. Og’riqni pasaytirish yoki tinchlantirish uchun faol elektrod
anodga ulanadi. To’qimalarning ta’sirlanish darajasini oshirish va
patologik shishlarning qayta so’rilishini tezlashtirish
uchun esa faol
elektrod katodga ulanadi. Patensiometr yordamida tok kuchi oshira
boriladi. Faol elektrodning yuzasi 100 sm
2
bo’lsa 50 mA gacha (0,3-
0,5x100) tok beriladi. 20-60 daqiqadan jami 20-30 muolaja tavsiya
etiladi.
Do'stlaringiz bilan baham: