O`quv-uslubiy majmua

Mahorat Oqilovna va Alisher suhbatlarini davom ettiradilar.
Alisher:-Ustoz, sizning “Quyosh batareyalariga asoslangan plita”mavzusidagi loyihangiz menda katta taassurot qoldirdi. Uni qanday rejalashtirdingiz?
Mahorat Oqilovna: -Loyiha ishlanmasini tayyorlayotganimda issiqlik almashinuvi va energiya mavzusidagi DTS asosidagi talabni aniqlab oldim. Shuningdek, maktab taqvim–mavzu rejasi doirasidan tashqari bo’lsa-da, ushbu ish jarayoni juda ahamiyatliligi, amaliyotga yo’nalganligi va kerakliligi bilan o’quvchilarni qiziqtirdi.
Alisher:-Lekin siz nima uchun loyiha ishini bu qadar ishonch bilan boshladingiz, ya’ni o’quvchilarni qiziqtiradi deb o’yladingiz?
Mahorat Oqilovna: -Aslida ishonchim komil emas edi, lekin o’rta sinf o’quvchilari foydali ish qilishini yaxshi ko’rishlari, shuningdek, alternativ elektr manbalari hozirda yetarli darajada dolzarbliligi menga ma’lum. Kishilar oldilarida turgan muammolarni qanday hal qilishlarini, nima uchun quyosh alternativ elektr manbai sifatida qaralishini namoyon qiladigan loyiha ishini tayyorlashni nazarda tutdim.
Alisher:-Menda ularda shakllanayotgan bilim va ko’nikmalar juda katta taassurot qoldirdi: doimiy fikriy, aqliy faoliyatga jalb qilindilar, bir tartibda hamkorlikda ishladilar. Men buni uddalay olmadim.
Mahorat Oqilovna: -Loyiha ishida 21 asrning bilim, malaka va ko’nikmalarini shakllantirishni nazarda tutib, quyidagi xususiyatlarga e’tibor qaratdim: hamkorlik, mustaqillik, fikrlash ko’nikmalari, ulardagi axborot zahirasi. Loyiha ishi jarayonida ushbu xususiyatlarni shakllantiradilar va rivojlantiradilar, o’quv topshiriqlarni bajarib, qayta aloqani yo’lga qo’yadilar.
Alisher:-O’quvchilar ishini qay tarzda baholadingiz?
Mahorat Oqilovna: -Loyiha o’z-o’zini baholovchi bir nechta etapdan tashkil topgan bo’lib, bu o’quvchilar ishining yuqori sifatini ta’minlaydi. Shuningdek, ushbu loyihada biz boshqa davlat bolalarining quyosh batareyalari borasidagi tadqiqot tajribalari yuzasidan fikr almashdik. Qo’lga kiritilgan natijalardan mamnunman. O’quvchilarim astoydil ishlashdi. Sizni “Loyiha tavsifi”bilan tanishtiraman.