Hayvonot dunyosining zamonaviy sistemasi

1-guruh.
Pararizobiontlar yoki o‘simliklarning ildiz sistemasi atrofidagi tuproq qatlamida erkin 
yashovchi nematodalar. Ushbu guruhning 25 turi topilib, ular Monhysterida turkumining Monhystera 
avlodi, Enoplida turkumining Prismatolaimus avlodi, Dorylaimida turkumining Tylencholaimus, 
Diphtheraphora, Eudorylaimus, Nygolaimus avlodi, Tylenchida turkumining Tylenchus avlodlarining 
vakillaridan iborat bo‘ldi. Ushbu avlodlarning ayrim turlari, xususan E. monhystera, T. filiformis, T. 
kirjanovae kabilarning qisman individlari yantoq, karrak va andizning vegetativ a‘zolarida, ayniqsa 
ildiz sistemasida ham bo‘lishi qayd etildi. Lekin pararizobiontlarning aksariyati tuproqning ustki 
qatlamlarida tarqalganligi ma‘lum bo‘ldi. Umuman olganda tog‘oldi zonada yovvoyi o‘simliklari 
rizosferasida ancha siyrak tarqalgan deb aytish mumkin. 
2-guruh
. Eusaprobiontlar yoki organik chirindi bilan oziqlanuvchilar nematodafaunasi 
tarkibida 7 turdan iborat bo‘ldi. Ushbu turlar Rhabditida turkumiga mansubligi ma‘lum bo‘ldi. 
Eusaprobiontlardan Diplogaster rivalis, Rhabditis brevispina va Mesorhabditis monhystera barcha 
tadqiq etilgan o‘simliklar rizosferasi tuprog‘i faunasi tarkibida anchagina miqdordagi individlari bilan 
qayd qilingan bo‘lsa, qolgan turlarining oz miqdordagi individlari andiz, karrak, yantoq va otquloq 
rizosferasida uchratildi. 
3-guruh
. Devisaprobiontlar 34 turdan iborat bo‘lib, ular eusaprobiontlarga nisbatan o‘simliklar 
orasida ancha keng tarqalganligi bilan ajralib turadi. Ushbu ekologik guruh vakillari asosan Plectida va 
Rhabditida turkumi vakillaridan iborat bo‘ldi. Devisaprobiontlardan Heterocephalobus elongatus, 
Cephalobus persegnis, Panagrolaimus rigidus, Chiloplacus symmetricus, Cervidellus insubricus lar 
yantoq, karrak, andiz kabilarning vegetativ a‘zolarida anchagina ko‘p uchrashi qayd qilindi. Umuman 
olganda tog‘oldi zonasi sharoitida devisaprobiontlar o‘simliklar bilan ancha yaqin munosabatda 
bo‘lishi bilan xarakterlandi.