Glossariy 1-mavzu. Marketing va uni rivojlanishining asosiy bosqichlari

МУЗЕЙ-ҚЎРИҚХОНА – табиий, тарихий, моддий ва маънавий ёдгорликларни сақловчи илмий-тадқиқий ва маданий-маърифий муассаса; таркибига экспозициядан ташқари қўриқхона ҳудудида жойлашган меъморий, тарихий ва б. ёдгорликлар ҳам кирадиган музейлар. М.-қ.нинг тарихий-бадиий, тарихий-меъморлик, тарихий-маданий, ҳарбий-тарихий, шунингдек комплекс (мажмуа) турлари бор.


МУМТОЗ АДАБИЁТ – миллий ва жаҳон бадиий маданияти хазинасини ташкил этган, кўпчилик томонидан тан олинган машҳур асарлар силсиласи.


«МУНОЖОТ» (араб. – ялиниш, ёлвориш) – йирик шаклдаги ўзбек мумтоз чолғу куйлар туркуми. 3 асосий қисмдан ташкил топган: «М.», «Савти М.» ва «Уфари М.». Туркумли ижрода баъзан «Савти М.»дан кейин «Оромижон» номли куй уланиб, сўнгра «Уфари М.» янграйди. Умумий парда тузилиши ҳамда бош куй мавзуи бўйича улар Дугоҳ ва Чоргоҳ мақом йўлларига мос келади. «М.» туркумининг таркибий қисмлари бир-биридан асосан усул негизи б-н фаркланади (сарахбор, кашқарча, уфар). Шу б-н бирга ўзбек мусиқа меросида «Мўғулчаи М.», «Мухайяри М.», «Қашқарчаи М.» номли чолғу куйлар хам мавжуд.


МУСИҚА (юн. mousiche – музалар санъати) – инсон ҳиссий кечинмалари, фикрлари, тасаввур доирасини мусиқий товуш (тон, нағма)лар изчиллиги ёки мажмуи воситасида акс эттирувчи саньат тури. Унинг мазмуни ўзгарувчан руҳий ҳолатларни ифодаловчи муайян мусиқий-бадиий образлардан иборат. М. инсоннинг турли кайфиятлари (мас.,кўтаринкилик, шодлик, завқланиш, мушоҳадалик, ғамгинлик, хавф-қўрқув ва б.)ни ўзида мужассамлаштиради.


МУСИҚА МАКТАБЛАРИ, болалар мусиқа мактаблари – бошланғич мусиқа таълимини берувчи махсус ўқув юртлари. М.м.га асосан умумтаълим мактабларида ўқийдиган истеъдодли болалар ва ўсмирлар қабул қилинади. М.м.да мусиқа чолғу асбоблари (фортепиано, скрипка, виолончель, труба, кларнет, аккордеон ва б., ўзбек халқ чолгуларидан – доира, қашқар рубоби, дутор, ғижжак, чанг, най ва б.)да чалиш ўргатилади; мусиқа саводи ва элементар мусиқа назарияси, сольфежио, мусиқа адабиёти, хор қўшиқчилиги бўйича таълим берилади. Ўқиш муддати 5 (халқ, урма ва пуфлама чолғулари бўлимларида) ва 7 (Европа чолғу асбоблари бўлимида) йил.