Himoyaga tavsiya etaman” Bosh ilmiy-metodik markaz direktor o‘rinbosari I. Isomov

KIRISH…………………………………………………………………………… 5

I BOB. Oliy ta’lim muassasalarida kredit modul tizimiga o‘tishni nazariy va metodologik asoslari……………………………………………………………... 9

1.1. Kredit modul tizimi tushunchasi maqsadi va vazifalari……………………….9

1.2. Kredit modul tizimi me’yoriy uslubiy ta’minoti……………………………..15

II BOB. Kredit modul tizimida yozgi semestrni tashkil etish va takomillashtirish masalalari…………………………………………………….31

2.1. Yozgi semestrni tashkil etishning tashkiliy chora tadbirlari…………………31

2.2. Yozgi semestrni o‘tkazish muammolari va yechimlari……………………....40

XULOSA…………………………………………………………………………43

FOYDALANILGAN ADABIYOTLAR RO‘YXATI…………………………46

KIRISH
Bitiruv ishi mavzusining dolzarbligi va uning asoslanishi. O‘zbekiston Respublikasi Prezidentining 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora-tadbirlari tugrisida”gi qarori, O‘zbekiston Respublikasi Prezidentining 2018 yil 5 iyundagi “Oliy ta’lim muassasalarida ta’lim sifatini oshirish, O‘zbekiston Respublikasi Prezidentining “2022 — 2026-yillarga mo‘ljallangan yangi O‘zbekistonning taraqqiyot strategiyasi to‘g‘risida”gi va O‘zbekiston Pespublikasi Vazirlar Mahkamasining 2020-yil 31-dekabrdagi 824-son qarori “Oliy ta’lim muassasalarida ta’lim jarayonini tashkil etish bilan bog‘liq tizimni takomillashtirish chora-tadbirlari to‘g‘risida”gi qarorlari ijrosini ta’minlash maqsadida oliy ta’lim muassasalarida kredit modul tizimi bosqichma bosqich joriy qilina boshladi. Kredit-modul o‘qitish shakli o‘quv moduli tarkibini yaratishga asoslangan, talabalarning bilim, ko‘nikma va kompetensiyalarini muntazam ravishda baholab boruvchi, o‘quv jarayoni natijalari va yakuniy nazorat ishlarini kuzatib borish orqali o‘quv dasturini o‘zlashtirish jarayonini tashkil etish tizimi hisoblanadi. Kredit (credit) — talabalarning alohida ta’lim yo‘nalishi yoki dasturi (kurs) doirasida fanlarni o‘qib-o‘rganishi va o‘zlashtirishi uchun sarflangan o‘quv yuklamasining (vaqtning) o‘lchov birligi hisoblanadi. Kredit — talabaning me’yoriy hujjat bilan belgilangan, odatda bir hafta davomida auditoriyada va mustaqil ravishda ta’lim olishi uchun ajratilgan minimal vaqt o‘lchovidir. Talabaga kredit ma’lum bir fandan belgilangan topshiriqlarni bajarib, yakuniy imtihondan muvaffaqiyatli o‘tgandan so‘ng beriladi. Har bir talaba kelajakda tanlagan yo‘nalishi va mutaxassisligi bo‘yicha diplomga ega bo‘lishi uchun o‘quv yillarida o‘tib borilga majuriy hamda tanlav fanlardan kreditlarni yig‘ib borishi lozim. Kredit texnologiyasi ta’lim oluvchilarga ishchi o‘quv rejaga kiritilgan tanlov fanlarini tanlash, bu orqali individual o‘quv rejasini shakllantirishda bevosita ishtirok etish huquqini beradi. Talabalarga, nafaqat fanlarni, balki professor-o‘qituvchilarni ham tanlash erkinligi beriladi. Modul esa bir nechta fan hamda kurslar o‘rganiladigan o‘quv rejasining bir qismi hisoblanadi. U talabalarda ma’lum bir bilim va ko‘nikma hosil qilish, tahliliy-mantiqiy mushohada yuritish salohiyatiga ega bo‘lishiga qaratilgan bir nechta fanlar (kurslar) majmui hisoblanadi. Bunda o‘qituvchi o‘quv jarayonini tashkil qiladi, jonli, video hamda audio ma’ruzalar o‘qiydi, talabaning faoliyatini muvofiqlashtiradi va nazorat qiladi. Talaba esa mavzuni mustaqil o‘zi o‘rganadi hamda berilgan vazifa va topshiriqlarni vaqtida bajaradi.
Ta’limning kredit tizimi talaba bilan ishlaydigan o‘qitish tizimi bo‘lib, ta’lim berish va baxolashning shaffof tizimi hisoblanib, sinov birliklarini yig‘ish va ko‘chirib o‘tkazishdan iboratdir.