Химмотология

3.2.1. Ёқилғиларни карбамид ёрдамида депарафинлаш жараёнининг технологияси

Депарафинлаш жараённи (карбамид билан) қуйидаги асосий босқичлардан иборат:

Хом ашёни эритувчи, карбамид ва активатор билан аралаштириш.
Комплекснинг ҳосил бўлиши.
Комплексни ажратиш - депарафинланган маҳсулотни эритмасидан ажратиш.
Комплексни ювиш ва парчалаш.
Парафин эритмасини карбамиддан ажратиш. (карбамид эритмасидан)
Эритувчини парафин ва депарафинланган маҳсулот эритмаларидан регенирлаш.
Карбамидни регенирлаш.


3.2.2. Депарафинлаш қурилмасининг принципиал схемаси

Хом ашё (I) эритувчи (II) ва активатор (III) билан аралаштирилади ва реактор (1) га берилади, реакторга карбамид (IV) ҳам берилади. Реакторда комплекс ҳосил бўлади. Комплекс ва депарафинланган маҳсулот аралашмаси (V) 2 блокга тушади ва у ерда қаттиқ фаза суюқ фазадан тиндириш, фильтрлаш, центрфугалаш усули билан ажратилади. Натижада иккита маҳсулот олинади: углеводородни карбамидли комплекси (VIII) ва депарафинланган маҳсулот (VI). Комплекс эритувчи билан ювилгандан сўнг (4) аппаратга юборилади ва сув ёки эритувчи (IX) ёрдамида парчаланади. Кейин парафин ва комплекс эритмаси (X) 5 секцияда центрофугада ёки тиндирилиб парафин эритмасига (XI) ва карбамид эритмасига ажратилади (XIII). Депарафинланган маҳсулот эритмаси (VI) парафин эритмаси (XI) 3 ва 6 эритувчиларни регенирлаш секциясига берилади. 7 секцияда карбамид регенирланади. Депарафинланган маҳсулот VII ва парафин (XII) қайта ишлашга жўнатилади, регенирланган эритувчи ва карбамид хом ашё билан аралаштиришга юборилади.

20-схема. Депарафинлаш қурилмасини принципиал схемаси.
Линиялар: I - Хом ашё, II - Эритувчи, III - Активатор, IV - Карбамид, V- Комплекс ва депарафинланган маҳсулот эритмаси, VI- Депарафинланган маҳсулот эритмаси, VII - Депарафинланган маҳсулот, VIII - Комплекс, IX - Сув, X - Парафин ва карбамид эритмаси, XI - Парафин эритмаси, XII - Парафин, XIII - Карбамид эритмаси. XIV – Сув (Карбомидни регенирациядан кейинги).
1 - Реактор блоки, 2 - Қаттиқ ва су.юқ фазаларни ажратиш бўлими, 3,6,7 - Эритувчиларни регенирлаш бўлими, 4 - Комплексни парчалаш аппарати, 5 - Фильтр.