Химмотология

4. БОБ. МОЙЛАРНИ АДСОРБЦИЯ УСУЛИ БИЛАН ТОЗАЛАШ

Мойларни адсорбция усули билан тозалаш адсорбентларни смолали ва олтингугуртли бирикмаларни, тўйинмаган ва полициклик ароматик углеводородларни, шунингдек органик кислоталарни, сульфат кислота қолдиқларини ва эритувчиларни танлаб (сайлаб) ажратиш қобилиятига асосланган. Тозалаш натижасида мойларни ранги яхшиланади, уни барқарорлиги, ёпишқоқлик индекси, коксланиши яхшиланади.

Мойларни тозалашда адсорбентлар сифатида табиий лойлар, суний алюмосиликатлар қўлланилади. Табиий лойларни тозалаш жараёнида қўллашдан олдин улар сульфат кислота ёки хлорид кислота билан активланади ва қуритилади.
Мойларни ва парафинларни ишлаб чиқиш технологиясида адсорбентлар маҳсулотларни нафтен кислоталарни тузидан, сульфат кислоталарни тузларидан, нордон гудронлардан, сульфат кислоталар, смолалар ва танловчи эритувчилар қолдиқларидан тозалашда кенг қўлланилади.
Саноатда асосан қуйидаги тозалаш усуллари қўлланилади:
1. Яхшилаб майдаланган адсорбент ёрдамида контакт усулида тозалаш.
2. Перколяция ёки адсорбент доналари устидан ўтказиб фильтрлаш.


4.1. МОЙЛАРНИ ТОЗАЛАШНИНГ
контакт усули

Контакт тозалашда мойлар майдаланган оқартирувчи тупроқ билан аралаштирилади. Адсорбентнинг активлиги уни майдаланганлиги даражасига боғлиқ бўлганлиги учун уни яхшилаб майдаланади. Мойни ёпишқоқлигини камайтириш учун, уни адсорбентнинг говакларига сўрилишини яхшилаш учун мойни қиздирилади.

Жараённинг ҳарорати хом ашёни сифатига, адсорбентнинг табиатига (хоссасига), талаб қилинган тозалаш даражасига боғлиқ. Енгил дистиллят мойлари 80-120^оС да контакт қилинади, ўрта дистиллят мойлари 140-170^оС да, огир мойлар 180-220^оС. Жараённи эффективлиги мойни тупроқ билан контакт вақтининг ўлчамига боғлиқ. Контакт вақти 20-25 мин. давом этади.
Жараённинг афзаллиги - тозалаш даражасини бошқариш мумкинлиги. Бу эса тайёрланаётган мойни рангини ўзгариши билан аниқланади ва жараённи ҳароратини ва адсорбентни мойга нисбатан олинган нисбати билан бошқарилади. Мой тўхтовсиз тозаланади, зарарли аралашмалар бирданига ажратиб олинади. Жараённи камчиликларига: адсорбентни регенерация қилишни қийинлиги адсорбент билан биргаликда 35-40% мойни йўқотилиши, мойни юқори ҳароратда синтетик алюмосиликатлар таъсирида бироз крекингга учраши, адсорбентни қурилмада регенерирланмаслиги.