Химмотология

19-расм. Депарафинлаш қурилмасининг принципиал схемаси
1-Аралаштиргич, 2-Иситгич, 3-Совутгич, 4-Регенератив кристаллизатор. 5- Аммиакли кристаллизатор, 6- Вакуум кристаллизатор, 7- Депарафинланган мой эритмасидан эритувчини ажратиб олиш булими, 8- Гач ва петролатумдан эритувчини регенирлаш бўлими.
Линиялар: I - Хом ашё, II - Эритувчи, III - Хом ашё эритмаси, IV - Қаттиқ углеводородлар суспензияси, V - Депарафинланган мой эритмаси. VI - Гач ёки петролатум эритмаси. VII - Депарафинланган мой. VIII - Қаттиқ углеводородлар (гач ёки петролатум).

Депарафинланиши керак бўлган хом ашё [I] ва эритувчи [II] аралаштиргичда (1) маълум нисбатда аралаштирилиб парли иситгичда (2) қиздирилади. Агарда қурилмага берилаётган хом ашёнинг ҳарорати 60^оС дан юқори бўлса у иситилмайди. Сўнгра хом ашё эритмаси [III] олдин сувли совутгичда (3), кейин регенератив кристаллизаторда (4) совутилади.

Бунда совутиш учун депарафинланган мой эритмаси [V] (фильтрат) дан фойдаланилади, ва нихоят аммиакли кристаллизаторда аммиак билан совутилади. (5) Агарда совутиш ҳарорати - 30⁰С дан паст бўлса совутгич сифатида этан ишлатилади. Мой таркибидаги қаттиқ углеводородларни совуқ суспензияси [IV] фильтрга берилади, (6) ва бу ерда қаттиқ фаза суюқ фазадан ажратилади. Фильтрда қолган қаттиқ углеводородларни қолдиқлари совуқ эритувчи [II]-билан ювилади ва шнекга юборилади. Фильтрлаш натижасида депарафинланган мойни эритмасини олинади. Унинг таркибида 75-80% эритувчи бўлади. Шу билан бирга қаттиқ углеводородларни (гач ва петролатум) эритмаси ҳам олинади. Уларни таркибида мой камроқ бўлади. Иккала эритмани ҳам регенирлаш секциясига (7,8) юборилади.
Эритувчи регенерация қилиб олингандан кейин қолган депарафинланган мой [VII]-қайта тозалашга юборилади, қаттиқ углеводородлар [VIII] (гач ёки дистиллат мой қайта ишланган бўлса, петролатум - қолдиқ хом ашё қайта ишланган бўлса) парафин ва церезин олиш учун юборилади. Регенерация қилинган эритувчи хом ашё билан аралаштириш учун қайтарилади.