Химмотология

Тажрибада тозалаш қуйидаги ҳароратда олиб борилади:

Мойни ёпишқоқлиги 50^оС, ММ^2/С	18-25	10-17	6-9	3-5	2-2,5
Тозалаш ҳарорати ^оС	55-60	10-17	40	30-35	20-25

Кислотанинг концентрацияси ва сарфлаш миқдори

Тозалаш учун 92-96% ли сульфат кислотаси олинади. Концентрация 90% дан кам бўлса кислотани активлиги пасайиб кетади. Тутаб турган сульфат кислота сульфокислоталарни ҳосил бўлишини тезлаштириб юборади. Уни рангсиз, медицинада қўлланиладиган мойлар олиш учун ишлатилади. Тозалаш натижасида кислотани концентрацияси пасаяди. Гудрон таркибида 25% дан 70% гача реакцияга киришмаган сульфат кислота бўлади.

Сульфат кислотани жараён учун сарфланадиган миқдори хом ашёни сифатига, тозалаш даражасига қўйиладиган талабга боғлиқ. Кислота қанча сарфланса олинаётган мойнинг ранги шунча тоза бўлади. Дистиллят мойларни тозаланганда кислотани сарфи 3-10% масс ни ташкил қилади, қолдиқ мойни тозаланганда кислота сарфи 15-20% масс гача етади. Тутайдиган сульфат кислотани парфюмерия ва медицина мойларини олишдаги сарфи 50-60 % масс га етади.


Кислота билан қайта ишлаш тартиби

Тозаланадиган маҳсулотда одатда сув бўлади, бу эса кислотани концентрациясини пасайтиради ва уни эффективлигини сусайтиради. Шунинг учун мойни тозалашдан олдин сувдан тозаланади – қуритилади. Қуритиш учун сульфат кислотани 0,25-2% масс миқдорида олинади. Қуритиш жараёни тугагандан сўнг гудрон ажратиб олинади ва мойни 3-4% ли кислота билан қайта ишлаш бошланади. Ҳар гал гудрон чўктирилади ва ажратиб олинади. Қолдиқ мойлар гудрон чўкканлиги учун бир операцияда тозаланади.