Harbiy-texnik instituti konstitutsiyaviy huquq

partiyalarning barcha sohada teng huquqliligi kafolatlanadi. 
Konstitutsiyaning 12-moddasida yana shu alohida qayd etilganki, hech 
qaysi mafkura davlat mafkurasi sifatida o‘rnatilishi mumkin emas. 
Binobarin, bu haqida yurtboshimiz bunday deb ta’kidlagan edi: “Ayni 
vaqtda yakka hokimlikka intilishlarga va bir mafkura imtiyozli bo‘lib 
qolishiga yo‘l qo‘ymaslik kerak. Zero, O‘zbekistonning davlat 
mustaqilligiga va xavfsizligiga raxna soladigan, milliy va diniy adovatni 
avj oldiradigan, urush va zo‘ravonlikni targ‘ib qiluvchi, Konstitutsiyaviy 
tuzumga, xalqning demokratik erkinliklariga va ma’naviyatiga tajovuz 
qiladigan partiyalar va jamoat harakatlari qonundan tashqari bo‘lishi 
lozim”. 
O‘zbekiston Konstitutsiyasining 12-moddasida o‘rnatilgan norma 
oldimizga milliy istiqlol mafkurasini yaratish vazifasini dolzarb qilib 
qo‘yadi. Milliy istiqlol mafkurasi xalqimizning qadimiy an’analariga,
urf-odatlariga, tiliga, diniga, ruhiyatiga asoslanib, kelajakka ishonch, 
mehr-muhabbat, insof, sabr-toqat, adolat, muruvvat, ma’rifat tuyg‘ularini 
targ‘ib qilishi lozim. Unda jamiyatimizdagi barcha kuchlar, harakatlar, 
jamoat birlashmalari, aholi turli tabaqalarining o‘y-fikrlari, orzu umidlari 
o‘z ifodasini topmog‘i lozim. Shu bilan birga, bu mafkura xalqimizda, 

---

85 
o‘zining qudrati va himoyasiga suyangan holda umuminsoniy 
qadriyatlarga asoslanib, jahon hamjamiyatidagi taraqqiy etgan davlatlar 
orasida teng huquqli munosib o‘rin egallashiga doimiy intilish hissini 
tarbiyalamog‘i kerak. 
Har qanday jamiyat taraqqiyoti xalq dunyoqarashini hisobga 
olmasa, taraqqiyot asoslari uning ma’naviy qadriyatlariga, moddiy 
manfaatlariga mos kelmasa, bunday jamiyat tanazzulga uchrashi tabiiy. 
Shuning uchun ham u jamiki insoniy fazilatlarni takomillashtirish uchun 
zarur sharoit yaratishni asosiy vazifa qilib qo‘yadi. Bu bir tomondan 
mustaqillik sharoitida endigina shakllanayotgan davlat siyosatining 
nechog‘lik insonparvarligini ko‘rsatsa, ikkinchi tomondan davlat 
rahbarining siyosiy-madaniy salohiyatining nechog‘lik yuksakligini, xalq 
ma’naviy-ruhiy ehtiyojlarini naqadar chuqur o‘rganganligini ko‘rsatadi. 
Shu bilan birga, esa, bu xalq va hokimiyat intilishlarining 
mushtarakligidan dalolat beradi.