Mavzu: Sabr- baxt kaliti

Mavzu: Sabr- baxt kaliti.
Men esse yozish uchun shu mavzuni tanladim. Mening fikrimcha sabr - chinakam baxtga eltuvchi yo’l. Sabr-toqat insonning eng muxim fazilatlaridan biri hisoblanadi, bu uning maqsadlariga erishishiga yordam beradi va uning hayoti farovonligiga xizmat qiladi. Sabr-toqat tufayli inson uzoq vaqt davomida amalga oshiradigan har qanday maqsaddan voz kechish o’rniga, xoxlagan narsaga yetguncha kutishni davom ettira oladi.
Insonning barcha maxorati sabr va vaqtning aralashmasidan boshqa narsa emas. Sabr-toqat ishbilarmon kishi uchun juda zarur. Har-bir inson baxtli yashashni istaydi. Baxtga yetishish oson emas albatta.
Baxt o’zi nima? Albatta baxtni har kim o’zicha tasavvur qiladi, bu tushuncha tafakkur doiramizdan ancha keng va uni birgina hol bilan ifodalab bo’lmaydi. Aytaylik insonning dunyoga kelishi – baxt, kimgadir sevganiga yetishishi – baxt, farzandli bo’lish – baxt, kimgadir mexr qo’ygan kasbi bilan shug’ullanish – baxt, ota-ona duosini olish – baxt, mashinali bo’lish, dang’illama uy qurish, to’y qilish, biror boshqa orzusiga yetishish… Bular ham kim uchundir baxt. Odamlar baxt deb biladigan bu ro’yxatni uzoq davom ettirish mumkin. Ammo ular orasida shunday baxt borki, unga musharraf bo’lish komil insonning yuksak namunasidir. Bu – Vatanga, elga sodiq bo’la olish, jamiyat ravnaqi, yurtdoshlar tinchligi osoyishtaligi yo’lida fidoyilik ko’rsata olishlikdir.
Inson o’zini dunyoda eng baxtiyor deb his qilishi uchun siz nimani tavsiya qilgan bo’lardingiz?
E’tibor qilganmisiz, hayotda shunday odamlar borki, chetdan qaraganda kimlardir havas qiladi, ammo uning o’zi bu baxtiyorlikni his qila olmaydi. Buning sababi kimdir havas qilayotgan shu baxtga u oson erishgan, unda bu baxt bor faqat his qilolmayotgandir. Inson baxtli damni chinakam his qila olishi uchun albatta mashaqqatli yo’dan sabr bilan o’ta olgan bo’lishi kerak.
Xulosa o’rnida shuni aytmoqchimanki har kim baxtiyorlikni his qilishni istaydi, baxtni har kim o’zicha tushunadi. Baxt eshiklarining yagona kaliti esa bu – noyob fazilat bo’lmish sabr hisoblanadi.
278 so’z