Халқ таълими ходимлари малакасини ошириш тизимини ислоҳ қилишнинг долзарб

№ 
Дарс қисмлари 
Ажратилган 
вақт 
1.
Ташкилий қисм, аввалги мавзуни такрорлаш 
6 дақиқа 
2.
Янги мавзунинг баёни 
10 дақиқа 
3.
Янги мавзуни амалий мустаҳкамлаш 
18 дақиқа 
4.
Янги мавзуни назарий мустаҳкамлаш 
5 дақиқа 
5.
Дарсни якунлаш, уйга вазифа бериш 
6 дақиқа 
Дарснинг биринчи қисми
да қисқа фурсатда ташкилий қисмни ўтказиб, аввалги 
мавзу юзасидан такрорлаш машқи олиб борилади. Бунда ўқувчилар гуруҳларга бўлинади 
ва гуруҳлардан бир неча ўқувчи аввалги мавзу бўйича амалий топшириқ учун ёзув тахтаси 
ёнига чақирилади. Бир вақтнинг ўзида ўқувчилар билимини назарий синаш учун аввалги 
дарсга доир карточкалар, расмли тарқатма материаллар гуруҳларга тарқатилади. 
Ўқувчилар топшириқларга оғзаки ёки ёзма жавоб беришлари мумкин. Амалий ва назарий 
топшириқ учун 4 дақиқа вақт белгиланади. Ўқитувчининг интерфаол методлардан 
мавзуга мос келадиганини танлаб қўллаши, дарснинг аввалги мавзуни такрорлаш қисмини 
самарали ўтказишига ёрдам беради. 
Ўқитувчи дарснинг биринчи қисмида гуруҳлардан қатнашган ўқувчилар баҳосини 
дафтарчасига ёзиб олиб, ёзув тахтасига осилган гуруҳларни баҳолаш жадвалига рағбат 
белгисини скотчлаб қўяди. Тахминан 6-7 дақиқадан сўнг дарснинг иккинчи қисмига 
ўтилади. 
Дарснинг иккинчи қисми
да ўқитувчи янги мавзуни тушунтириш учун ўзидаги 
ижодий, креатив, педагогик маҳоратини намоён этади. У техника, кўргазмали, дидактик 
воситаларидан, фото репродукциялардан, ёзув тахтасидан, қўшимча адабиёт ва 
манбалардан моҳирлик билан фойдаланиб, 10 дақиқа ичида янги мавзуни ёритиб беради. 
Дарснинг 20-дақиқасигача маълумотлар ўқувчилар томонидан фаол қабул қилинишини 
ҳисобга олиб, ўқитувчи янги мавзуга оид энг муҳим маълумотларни ўқувчиларга тақдим 
қила олиши зарур бўлади. Ҳар чоракда бир маротаба ўтказиладиган суҳбат дарсларида эса 
янги мавзуни тушунтириш 15 дақиқагача давом этади. Ўқитувчи янги мавзуни 
тушунтиришда нутқий, намойиш, амалий фаолиятга эътибор бериб, мавзу бўйича 
нималарни гапириш, қандай кўргазма ва слайдларни намойиш этиш, ҳамда ёзув тахтасида 
ёки электрон доскада мавзу бўйича нималарни ёзиб, чизиб кўрсатиш кераклигини 
белгилаб олиши зарур бўлади. Янги мавзу баёни якунланишига яқин қолганида, ўқитувчи 
томонидан мавзуга оид зарур маълумотларни ўқувчиларнинг суҳбат дафтарига ёздириб 
қўйилиши, болалар билимларини мустаҳкам бўлишига ёрдам беради.