Guliston davlat universiteti rektori bilan talaba oʼrtasida shаrtnomаsi №

5-bob. Taraflarning javobgarligi
16. Talaba universitet rahbariyatining roziligisiz oliy taʼlim muassasasi faoliyatiga oid uchrashuvlar oʼtkazish va muzokaralar olib borishga haqli emas.
Аgar talaba tomonidan davlat yoki tijorat siri boʼlgan maʼlumotlarni oshkor etilishi natijasida rektorga zarar yetkazilgan boʼlsa, u Oʼzbekiston Respublikasi qonunchiligiga muvofiq javobgarlikka tortiladi.
17. Talaba shartnomada nazarda tutilgan majburiyatlarni bajarmagan taqdirda rektor tomonidan talabalar safidan chetlatish uchun asos boʼlishi mumkin.
18. Taraflar ushbu shartnoma shartlarini bajarmagan yoki lozim darajada bajarmagan holatlarda, Oʼzbekiston Respublikasining amaldagi qonun hujjatlariga muvofiq javobgar boʼladilar.
19. Talaba Oʼzbekiston Respublikasi qonun hujjatlarida va Oʼzbekiston Respublikasi Oliy va oʼrta maxsus taʼlim vazirligi hamda oliy taʼlim muassasasining ichki hujjatlarida nazarda tutilgan korruptsiyaga qarshi kurashish talablarini buzgan taqdirda, qonun hujjatlariga muvofiq javobgarlikka tortiladi.


6-bob. Shartnomani oʼzgartirish va bekor qilish
20. Taraflar shartnomani oʼzgartirish va bekor qilishni mazkur shartnomada nazarda tutilgan hollarda va amaldagi qonunchilik asosida amalga oshirishi mumkin.
Shartnoma shartlarining oʼzgarishi va (yoki) qoʼshimchalar kiritilishi shartnomaning ajralmas qismi sifatida qoʼshimcha kelishuv tuzish orqali rasmiylashtiriladi.
21. Shartnomani oʼzgartirish va bekor qilishga qaror qilgan taraf bu haqida qonunda belgilangan tartibda va muddatlarda ikkinchi tarafga yozma ravishda xabar berishi shart.
22. Shartnoma bajarilishini bir taraflama rad etishga yoki shartnoma shartlarini bir taraflama oʼzgartirishga faqat qonun hujjatlariga asosan yoʼl qoʼyiladi.


7-bob. Nizolarni hal qilish
23. Mazkur shartnomaga kiritilgan barcha qoʼshimcha va oʼzgartirishlar yozma ravishda tuzilib, taraflar imzolagan taqdirda haqiqiy hisoblanadi.
24. Mazkur shartnoma boʼyicha nizolar kelib chiqqan taqdirda, taraflar, qoidaga koʼra, ularni sudgacha hal etish choralarini koʼradilar.
25. Taraflar oʼrtasida oʼzaro hal qilinmagan nizolar qonunchilikda oʼrnatilgan tartibda Fuqarolik ishlari boʼyicha sudda hal qilinadi.