Гулистон давлат университети “ёшларни ватанпарварлик руҳида тарбиялашда маҳаллий археологик материалларнинг роли”

Бўлажак мактабгача таълим муассасаси тарбиячиларида тадқиқотчилик лаёқатини шакллантириш
Рахимов Б.Х. – ГулДУ.,п.ф.д., профессор Нурбоева Д.А.–ГулДУ., 2-курс магистри

Ўзбекистон Республикасининг “Таълим тўғрисида”ги Қонуни ва “Кадрлар тайёрлаш миллий дастури” мазмунида жамият талабига мос, ҳар томонлама етук, баркамол шахсни шакллантириш ҳамда илмий изланувчан ёшларни тарбиялаб, вояга етказиш жараёнининг моҳияти тўлақонли очиб берилган. Ёшларда илмий изланишга оид билимларни таркиб топтириш, уларни таълим жараёнида ўз фаолиятларига мақсадли қўллашга йўналтириш, ушбу жараённи илмий ташкил этишга қаратилган ижодий-креатив ёндашувни қарор топтириш муҳим аҳамиятга эга. Ўзбекистон Республикасини янада ривожлантириш бўйича Ҳаракатлар стратегиясида “илмий-тадқиқот ва инновация фаолиятини рағбатлантириш, илмий ва инновация ютуқларни амалиётга жорий этишнинг самарали механизмларини яратиш, олий таълим муассасалари ва илмий-тадқиқот институтлари ҳузурида ихтисослаштирилган илмий-экспериментал лабораториялар, юқори технология марказлари ва технопаркларни ташкил этиш” устувор вазифалар этиб белгиланди.

Олий таълим тизимида таҳсил олаётган бўлажак педагог-тарбиячиларнинг илмий-тадқиқот фаолиятини ташкил этиш ва уни ривожлантириш долзарб масалалардан ҳисобланади. Зеро, олий таълимнинг асосий мақсади замон талабларига мос юқори илмий-ижодий салоҳиятга ва юксак маънавиятга эга етук кадрларни тайёрлашдир. Шунинг учун ҳам бугунги кунда бўлажак педагог-тарбиячиларнинг илмий тадқиқот ишлари билан шуғулланишга эҳтиёжини кучайтириш ҳамда уларда тадқиқотчилик лаёқатини тарбиялаш орқали шахсий-касбий муаммоларни ҳал эта олишга қодир, юксак салоҳиятли етук мутахассисларни тайёрлаш олий педагогик таълим тизими олдида турган муҳим вазифалардан саналади.
Тадқиқот – араб тилидан ўзбек тилига ўзлашган бўлиб, “тадқиқ” сўзининг “тўғри кўплик” шаклидир. Араб тилида ﺘﺩﻗﻴﻗﺎﺖ [тадқиқотун] деб ёзилади, талаффузда эса [тадқиқат] деб айтилади. Маъноси: “майдалаб ўрганиш”, “тадқиқ” иш-ҳаракатни билдирувчи “даққақа” сўзидан олинган бўлиб, “аниқ бўлмоқ”, “аниқламоқ” каби маъноларни англатади.