Гулистон давлат университети «Амалий математика ва информатика» кафедраси

Тушунарлилик хоссаси – алгоритмда бериладиган барча атамалар ва кўрсатмалар ижрочи учун тушунарли тарзда баён қилиниши керак.
Аниқлик хоссаси – алгоритмнинг ҳар бир кўрсатмаси бажарувчи учун аниқ ва бир маъноли бўлиши керак.
Дискретлик (узлуклилик) хоссаси – алгоритмда берилаётган кўрсатмалар чекли қадамлардан иборат бўлиши зарур. Ҳар бир берилаётган кўрсатмалар бўлакланган алоҳида қисмлардан иборат бўлиши ва ҳар бири алоҳида маънога эга бўлиши керак.
Натижавийлик хоссаси – тузилаётган ҳар бир алгоритмда берилган масаланинг натижаси қандай кўринишда чиқарилиши аниқ кўрсатилиши керак.
Оммавийлик хоссаси – алгоритмдаги берилган кўрсатмалар барча учун бир хил бўлиши, берилган кўрсатмалар ҳар қандай масалани ечиш учун қўлланиладиган умумий қонун-қоидалардан четга чиқмаслиги керак.
Алгоритмларнинг берилиши ёки уларни тасвирлаш усуллари қуйидагилардан иборат бўлади:

• 
  Алгоритмнинг сўзлар орқали ифодаланиши.
  
• 
  Алгоритмнинг формулалар ёрдамида берилиши.
  
• 
  Алгоритмнинг жадвал кўринишида берилиши.
  
• 
  Алгоритмнинг дастур шаклида ифодаланиши.
  
• 
  Алгоритмнинг алгоритмик тилда тасвирланиши.
  
• 
  Алгоритмнинг график (геометрик схемалар) шаклида тасвирланиши.
  

Кўпчилик ҳолларда масалани ечиш учун берилган кўрсатмалар ва буйруқлар кетма-кетлигини тасвирлашда алгоритмларнинг қуйидаги график шакллардан яъни схемалар блокидан фойдаланилади:

Берилган масаланинг кўринишига қараб, алгоритмларнинг қуйидаги турларидан фойдаланилади:

• 
  Чизиқли алгоритмлар.
  
• 
  Тармоқланувчи алгоритмлар.
  
• 
  Такрорланувчи алгоритмлар.
  

Чизиқли алгоритмлар – оддий кўринишдаги ҳеч қандай шартларга боғлиқ бўлмаган ва тартиб билан фақат кетма-кет бажариладиган жараёнларга тузиладиган алгоритмлардир.
Тармоқланувчи алгоритмлар – бирор шартга мувофиқ бажариладиган кўрсатмалар билан тузиладиган алгоритмлардир.
Такрорланувчи алгоритмлар – кўп марта такрорланадиган қисмни ўз ичига олган ва бирор шарт бажарилгунча давом этадиган алгоритмлардир.

Бирор масалани компьютерда ҳал қилиш керак бўлса, масалани дастлаб ечиш кетма – кетлигини сўз ёки график шаклда ёзилади, яъни масаланинг алгоритми тузилади. Масалага тузилган алгоритмни компьютер тушунадиган кўрсатмалар ва қонун - қоидалар асосида ёзиш дастур деб аталади.

Компьютер учун масалага дастур тузиш жараёни дастурлаш дейилади. Компьютер тушунадиган кўрсатмалар ва қонун - қоидалар асосидаги ёзувлар дастурлаш тили деб аталади.
Дастурлаш тиллари қуйидаги уч гуруҳга бўлинади:

1. 
   +уйи даражадаги дастурлаш тиллари.
   
2. 
   Ўрта даражадаги дастурлаш тиллари.
   
3. 
   Юқори даражадаги дастурлаш тиллари.