Гулистон давлат университети «Амалий математика ва информатика» кафедраси

Битирув малакавий ишининг мақсади – академик лицейларидаги информатика умумтаълим фанининг намунавий ўкув дастуридан келиб чиққан ҳолда информатика фанидан амалий кўникмаларни ўргатишнинг илғор усуллари мавзуси мазмунини ишлаб чиқиш, унга мос янги авлод ўқув-услубий материаллар мажмуасини яратиш, ўқитиш методикаларини тавсия этиш, уларни амалиётда қўллаш ва илмий педагогик хулосалар қилишдан иборат.
Тадқиқотнинг мақсадидан келиб чиққан ҳолда, тадқиқот ишида қуйидаги масалалар ҳал қилинади:
- Академик лицейларда Информатика фанидан назарий ва амалий машғулотларни ўтказиш мазмуни, ўрни, моҳияти, ўқитиш ҳолатини таҳлил қилиш;
- Ўрганишнинг танланган асосларини қўллаш ва уни ихтисосликка йўналтирилган масала ва мисоллар билан бойитиш ;
-Информатика фанидан амалий кўникмаларни ўрганишнинг турли усуллари ва уларни ўтказишнинг замонавий педагогик ва ахборот технологияларига асосланган методикасини тавсия этиш;
-Амалий кўникмаларни баҳолаш мезонлари.
Тадқиқотнинг илмий янгилиги ва назарий ахамияти:
Академик лицейларда ўқитиладиган информатика фанининг мазмуни ва ўқитиш методикасининг назарий ва амалий асосларини ишлаб чиқишга қаратилган тадқиқотнинг илмий янгилиги ва назарий аҳамияти қуйидагича:
- Академик лицейларда информатика умумтаълим фанининг мазмунини ишлаб чиқиш тамойиллари илмий-назарий таҳлил қилиниб, улардан талабаларнинг фанга бўлган мотивациясини оширишга қаратилганлик тамойили аҳамиятли деб топилди;
-"Кадрлар тайёрлаш миллий дастури" даги кадрларга қўйиладиган талаблар, хусусан, таълимни инсонпарварлаштириш борасида талабларни бажариш йўллари чуқур таҳлил қилиниб, ўқитишнинг интерфаол методикалари муҳим омил эканлиги
кўрсатилди.
Тадқиқотнинг амалий аҳамияти қуйидагилардан иборат:
- илмий-назарий тадқиқотлар реал таълим жараёни билан боғланган ҳолда бажарилган ва шу туфайли эришилган илмий-методик натижалар амалиётга тез ва кенг тадбиқ этилди;
- тадқиқотда илгари сурилган ғоялар ва олинган натижалар таълимнинг бошқа босқичларида фанларни ўқитишнинг илмий методик асоси бўла олади;
- тадқиқот натижаларини умумтаълим фанларини ўқитишда қўллаш талабаларнинг билиш фаоллигини оширади.