Гулистон давлат университети «Амалий математика ва информатика» кафедраси

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ГУЛИСТОН ДАВЛАТ УНИВЕРСИТЕТИ


«Амалий математика ва информатика» кафедраси


АБДУМУБАРАКОВ СЕРИК нинг
5480100- Амалий математика ва информатика таълим йўналиши бўйича бакалавр даражасини олиш учун
«АКАДЕМИК ЛИЦЕЙЛАРДА ИНФОРМАТИКА ТАЪЛИМИНИ ТАШКИЛ ЭТИШ ШАКЛЛАРИ ВА МЕТОДЛАРИ»
мавзусидаги
БИТИРУВ МАЛАКАВИЙ ИШИ
Раҳбар: п.ф.н., доцент Исоқов И.
ГУЛИСТОН-2009


М У Н Д А Р И Ж А

Кириш

I БОБ. Информатика фанини ўқитишда дидактиканинг
методика билан ўзаро боғлиқлиги.
1.1 Ўқитиш методикаси ва дидактика тушунчалари.
1.2. Информатика фанини ўқитиш тамойиллари.


II БОБ. Академик лицейларда Информатика фанини ўқитишнинг замонавий шакллари ва методлари
2.1. Информатикани ўқитиш шакллари.
2.2. Информатика фани ўқитишнинг интерфаол методлари ва улардан фойдаланиш.
2.3. Информатика фанини интерфаол методлардан фойдаланиб ўқитиш учун методик ишланмалар яратиш.
Х у л о с а

Фойдаланилган адабиётлар рўйхати

К И Р И Ш

Мавзунинг долзарблиги. Мустақил Ватанимиз жаҳоннинг тараққий этган мамлакатлари қаторидан жой олиши стратегик мақсад қилиб қўйилган. Айнан шу даражага эришиш ва давр билан ҳамоҳанг қадам қўйиш мақсадида Олий Мажлиснинг IX сессиясида қабул «Кадрлар тайёрлаш Миллий дастури» республикамизнинг таълим тизимини ислоҳ этиш концепцияси ва амалий дастури деб тан олинган. «Халқнинг бой интеллектуал мероси ва умумбашарий қадриятлар асосида замонавий маданият, иқтисодиёт, фан, техника ва технологияларнинг ютуқлари асосида кадрлар тайёрлашнинг тизимини шакллантириш Ўзбекистон тараққиётининг муҳим шарти»¹ эканлиги “Кадрлар тайерлаш миллий дастури” да алоҳида қайд қилинган.
Ҳозирда Ўзбекистон Республикаси таълим тизими ўқув жараёнларини технологиялаштириш натижасида узлуксиз таълим ва давлат стандартларини кафолатли амалга оширишга замин яратилди. Бу имкониятларни ҳаётга тадбиқ этиш кўп қиррали муаммо бўлиб, таълим тизимининг ҳар бир босқичида умумтаълим, касб йўналишлари фанларининг мазмуни ва шу мазмунни талабаларга етказиш методикасини яратишни тақозо этади.
Ихтисослик фанларини ўқитиш талабаларнинг таълимий, тарбиявий ва касбий тайёргарлигидаги аҳамияти юқори бўлиб, кейинги касбий фаолиятларида албатта компьютерлар ёрдамида амалий ишларни бажаришларига тўғри келади. Бунинг учун талабаларнинг информатикадан олган билим ва кўникмалари, компьютернинг амалий дастурларидан фойдаланиш даражаси юқори бўлиши лозим.
Шу боис «Информатика» фанини ўқитиш ва ундаги амалий дастурлардан фойдалана олишга ўргатиш мухим масалалардан бири ҳисобланади. Айни пайтда «Информатика» умумтаълим фанининг, хусусан амалий дастурлар мавзулари мазмунини белгилаш, шу мазмунга мос ўқув-методик материаллар мажмуасини ишлаб чиқиш ва талабаларга замонавий ўқитиш методларидан фойдаланиб етказиб бериш мазкур битирув малакавий ишининг асосини ташкил қилади. Шу сабабли академик лицейларда "Информатика" умумтаълим фанининг мазмуни, ва ўқитиш методикасига багишланган битирув малакавий ишининг долзарблиги шубҳасиз.