Государственный стандарт узбекистана

А.5 Жорий қилиш ва фаолият кўрсатиш
А.5.1 Умумий қоидалар
Қўшимча тушунтиришлар талаб этилмайди.


А.5.2 Лаёқатлилик, тайёргарлик ва хабардорлик
Ташкилот ўзининг ташкилий эҳтиёжларидан келиб чиққан ҳолда ходимларнинг лаёқатлииги, тайёргарлиги ва хабардорлигига тегишли талабларни белгилайди. Лаёқатлилик асосига таълим, ўқиш ва тайёргарлик, кўникма ва тажрибанинг мос бўлган комбинацияси қўйилган.
А.5.3 Ахборот алмашиш
Қўшимча тушунтиришлар талаб этилмайди.
А.5.4 Ҳужжатлар
Ушбу стандарт талаблари томонидан белгиланган ҳужжатлаштирилган тартиб-таомил деганда фақат ҳужжатлаштирилиши зарур бўлган тартиб-таомиллар тушунилади.
Ташкилот энергетик натижавийликни самарали намойиш этиш ва энергетик менежмент тизимининг ишлаши учун зарур деб ҳисоблаган ҳар қандай ҳужжатларни ишлаб чиқиши мумкин.


А.5.5 Операцияларни бошқариш
Ташкилот энергиядан аҳамиятли фойдаланишнинг идентификация қилинган режими билан боғлиқ бўлган ўз операцияларини баҳолаши, ва энергетика соҳасида ташкилотнинг мақсад ва вазифаларига эришишга ва энергетик сиёсат талабларини бажаришга кўмаклашган ҳолда ушбу операциялар билан боғлиқ бўлган салбий таъсирлар даражасини текшириш ёки пасайтиришга имкон берадиган тарзда бажарилишига ишонч ҳосил қилиши керак. Бундай бошқариш ўз ичига ташкилот операцияларининг барча элементларини, жумладан техник хизмат кўрсатиш бўйича ишларни олиши керак.
А.5.6 Лойиҳалаштириш
Қўшимча тушунтиришлар талаб этилмайди.


А.5.7 Энергетик хизматлар, маҳсулотлар, жиҳозлар ва энергия етказиб беришни таъминлаш
Сотиб олиш бўйича фаолият самаралироқ маҳсулотлар ва хизматлардан фойдаланиш йўли орқали энергетик натижавийликни яхшилаш имконини беради. У шунингдек етказиб бериш занжири билан ишлаш ва етказиб бериш занжири ичида энергетик фаолиятга таъсир этиш учун имкон беради.
Энергетика соҳасида сотиб олиш бўйича спецификацияларни (техник талабларни) татбиқ этилиши бозорга боғлиқ ҳолда фарқланиши мумкин. Энергетик сотиб олишга тегишли спецификациялар ўз ичига сифат, яроқлилик, энергия қийматининг тузулмаси, унинг атроф муҳитга таъсири билан боғлиқ бўлган элементларни, ҳамда энергиянинг тикланадиган манбаларини олиши мумкин.
Мақсадга мувофиқ бўлганда ташкилот етказиб берувчи томонидан тақдим қилинган спецификациядан фойдаланиши мумкин.