Государственный стандарт узбекистана

А илова
(маълумот учун)
Ушбу стандартни қўллаш бўйича қўлланма


А.1 Умумий талаблар
Ушбу иловада келтирилган қўшимча матн қатъий маълумот хусусиятига эга ва ушбу стандартнинг 4-бўлимида келтирилган талабларни нотўғри шарҳланишини олдини олиш учун мўлжалланган. Ушбу маълумот 4-бўлимнинг талабларига тегишли бўлган ва улар билан келишилган бир вақтда, уни ушбу талабларни қўшиш, истисно қилиш ёки бирор-бир ўзгартириш учун ишлатиш кўзда тутилмайди.
Ушбу стандартда баён этилган энергетик менежмент тизимини жорий қилишнинг натижаси бўлиб энергетик натижавийликнинг яхшиланиши кўзда тутилади. Шунинг учун ушбу стандарт, ташкилот яхшилаш учун имкониятларни аниқлаш ва уларни келгусида амалга ошириш мақсадида энергетик менежмент тизимини даврий таҳлил қилиши ва баҳолашига асосланади. Ташкилот энергетик менежмент тизимини қандай тарзда жорий қилишига доир эркин ҳаракат қила олади, масалан доимий яхшиланиш жараёнининг даражаси, масштаби ва вақт чегаралари ташкилотнинг ўзи томонидан белгиланади.
Ташкилот доимий яхшиланиш жараёнининг даражаси, ҳаракат масштаби ва вақт чегараларини аниқлашда иқтисодий ва бошқа омилларни ҳисобга олиши мумкин.
Менежмент тизими фаолият юритувчи қўлланиш доираси ва чегараларига тегишли тушунчалар энергетик менежмент тизимига нимани киритиш зарурлигини аниқлаш вақтида ташкилотга ўзгарувчан ёндашувни қўллаш имконини беради.
Энергетик натижавийлик тушунчаси ўз ичига энергиядан фойдаланиш, энергетик самарадорлик ва энергияни истеъмол қилишни олади. Шундай қилиб ташкилот энергетик натижавийлик билан боғлиқ бўлган фаолият турларининг кенг доирасидан ўзи учун йўналиш танлаши мумкин. Масалан, ташкилот максимум юкламаларни камайтириши (энергияга бўлган максимал эҳтиёж), ортиқча энергиядан ёки иккиламчи энергоресурслардан фойдаланиши ёки ўзининг тизимлари, жараёнлари ёки жиҳозларини эксплуатация қилишни яхшилаши мумкин.
А.1 расмда энергетик натижавийликнинг концептуал тушунчаси келтирилган.

А.1 расм – Энергетик натижавийликнинг концептуал тушунчаси