Государственный стандарт узбекистана

А.2 Раҳбариятнинг жавобгарлиги
А.2.1 Юқори раҳбарият
Юқори раҳбарият ёки унинг вакили ходимлар билан алоқада бўлаётган ва ташкилот ичида ахборот бераётган вақтда, ишчиларга тегишли ваколатларни бериш, уларнинг ишга қизиқишларини орттириш, ходимларни энергетик менежмент бўйича фаолиятда иштирокларини рағбатлантириш, ушбу соҳада ишчиларнинг хизматлари ва ҳиссаларини маъқуллаш ва эътироф этиш, ишчиларни мукофотлаш, энергетик менежмент соҳасида ходимларни ўқитиш ва тайёрлаш каби воситалар орқали ушбу фаолиятга ходимларни жалб этиш йўли билан ташкилотда энергетик менежментга берилаётган эътиборга ёрдам бериши мумкин.
Узоқ муддатли режалаштиришни амалга ошираётган ташкилотлар энергия манбалари, энергетик фаолият кўрсаткичлари, энергетик натижавийлик билан боғлиқ бўлган яхшиланишлар каби энергетик менежментга тегишли бўлган аспектларни ушбу жараёнга киритишлари мумкин.


А.2.2 Раҳбарият вакили
Мавжуд ходимлар таркибида бўлган ишчи, ишга қабул қилинган янги ходим ёки махсус меҳнат битими бўйича ишлаётган ходим раҳбарият вакили бўлиши мумкин. Раҳбарият вакилининг мажбуриятлари ишчининг лавозим мажбуриятларининг бир қисмини ташкил этиши ёки ҳаммасини қамраб олиши мумкин. Малакалар ва лаёқатлилик даражалари ташкилотнинг ўлчами ва спецификасини, маданият муҳитини ёки ташкилот бажаришни ўз зиммасига олган қонунчилик ёки бошқа талабларни ҳисобга олган ҳолда аниқланиши мумкин.
Энергетик менежмент гуруҳи энергетик натижавийлик билан боғлиқ бўлган яхшиланишларнинг келиши ва уларни амалга оширишни таъминлайди. Ушбу гуруҳнинг ўлчами ташкилотнинг тузулмаси ёки фаолиятининг спецификаси орқали аниқланади:
- катта бўлмаган ташкилотлар учун бу битта шахс бўлиши мумкин, масалан, раҳбарият вакили;
- каттароқ ташкилотлар учун турли ишларни бажарувчи ходимлардан ташкил топган гуруҳ энергетик менежмент тизимини режалаштириш ва жорий қилиш жараёнига ташкилотнинг турли бўлинмаларини жалб қилиш бўйича самарали механизмни таъминлайди.