Государственный стандарт узбекистана

4.6.5 Ёзувларни бошқариш
Ташкилот ўз тизимининг энергетик менежмент ва ушбу стандарт талабларига мувофиқлигининг гувоҳномаларини тақдим этиш учун зарур бўлган ёзувларни, ҳамда энергетик натижавийлик соҳасида эришилган натижалар тўғрисидаги ёзувларни яратиши ва ишчи ҳолатда сақлаши керак.
Ташкилот ёзувларни идентификация қилиш, тиклаш ва сақлаш учун бошқарув воситаларини белгилаши ва жорий қилиши керак.
Кўриб чиқилаётган тегишли фаолиятга оид бўлган ёзувлар аниқ-равшан, идентификация қилинадиган ва текшириб бориладиган ҳолда сақланиши керак.


4.7 Раҳбарият томонидан таҳлил қилиш
4.7.1 Умумий қоидалар
Юқори раҳбарият энергетик менежмент тизимининг доимий яроқлилиги, етарлилиги ва самарадорлигини таъминлаш мақсадида режалаштирилган вақт интервалларидан кейин уни таҳлил қилиши керак.
Раҳбарият томонидан таҳлил натижаларининг ёзувлари ишчи ҳолатда сақланиши керак.


4.7.2 Раҳбарият томонидан таҳлил қилиш учун кириш маълумотлари
Раҳбарият томонидан таҳлил қилиш учун кириш маълумотлари қуйидаги ахборотларни ўз ичига олиши керак:
a) раҳбарият томонидан аввалги таҳлиллардан келиб чиққан ҳаракатлар;
b) энергетик сиёсатнинг таҳлили;
c) энергетик натижавийлик ва у билан боғлиқ бўлган энергетик натижавийлик кўрсаткичларининг таҳлили;
d) қоунчилик талабларининг ошиши ва ўзгаришини ҳисобга олган ҳолда уларга, ҳамда ташкилот бажаришни зиммасига олган бошқа талабларга мувофиқликни баҳолаш натижалари;
e) энергетика соҳасида қўйилган мақсадларга эришиш ва вазифаларни бажариш даражаси;
f) энергетик менежмент тизимининг аудитлари натижалари;
g) огоҳлантирувчи ва тузатувчи ҳаракатларни бажариш ҳолати;
h) кейинги давр учун режалаштирилган энергетик натижавийлик;
i) яхшилаш бўйича тавсиялар.


4.7.3 Раҳбарият томонидан таҳлил қилиш учун чиқиш маълумотлари
Раҳбарият томонидан таҳлил қилиш учун чиқиш маълумотлари:
а) ташкилотнинг энергетик фаолияти натижавийлигининг ўзгаришларига;
b) энергетик сиёсатнинг ўзгаришларига;
c) энергетик натижавийлик кўрсаткичларининг ўзгаришларига;
d) доимий яхшиланишга нисбатан ташкилотнинг мажбуриятларига мувофиқ энергетик менежмент тизимининг мақсадлари, вазифалари ёки бошқа элементларининг ўзгаришларига;
e) ресурсларни ажратиб олиш ва тақсимлашга тегишли бўлган ўзгаришларга тегишли бўлган барча қарорлар ва ҳаракатларни ўз ичига олиши керак.