Государственный стандарт узбекистана

4.5.4 Ҳужжатлар
4.5.4.1 Ҳужжатларга доир талаблар
Ташкилот энергетик менежмент тизимининг асос бўлувчи элементлари ва уларнинг ўзаро ҳаракатини баён этиш учун қоғоз, электрон ёки бошқа ҳар қандай ташувчилардаги маълумотни белгилаши, жорий этиши ва бутлигини таъминлаши керак.
Энергетик менежмент тизимининг ҳужжатлари қуйидагиларни ўз ичига олиши керак:
а) энергетик менежмент тизимининг қўлланиш соҳаси ва чегаралари;
b) энергетик сиёсат;
c) энергетика соҳасида мақсадлар, вазифалар, чора-тадбирлар режалари;
d) ҳужжатлар, шу жумладан ушбу стандарт талабларига мувофиқ келувчи ёзувлар;
e) ташкилот зарур деб белгилаган бошқа ҳужжатлар.
Изоҳ – Қуйидаги сабабларга кўра турли ташкилотлар учун ҳужжатлар даражаси ва ҳажми фарқ қилиши мумкин:
– ташкилот масштаби ва фаолиятининг тури;
– жараёнлар ва улар орасидаги ўзаро ҳаракатларнинг мураккаблиги;
– ходимлар лаёқатлилигининг даражаси.


4.5.4.2 Ҳужжатларни бошқариш
Ушбу стандарт ва энергетик менежмент тизими томонидан талаб қилинадиган ҳужжатларни бошқариш зарур. Бу зарур бўлган ҳолларда техник ҳужжатларни ўз ичига олади.
Ташкилот қуйидагиларни назарда тутувчи тартиб-таомилни (тартиб-таомилларни) ишлаб чиқиши, жорий қилиши ва сақлаши керак:
а) ҳужжатларнинг етарлилиги нуқтаи назаридан уларни чиқаришгача расман маъқуллаш;
b) заруриятга кўра ҳужжатларни даврий таҳлил қилиш ва долзарблаштириш;
c) ўзгартишларнинг идентификациясини ва ҳужжатларни қайта кўриб чиқиш статусини таъминлаш;
d) ҳужжатларни қўллаш жойларида уларнинг тегишли версияларининг мавжудлигини таъминлаш;
e) ҳужжатларни аниқ ва осон идентификация қилинадиган ҳолатда сақланишини таъминлаш;
f) сифат менежменти тизимини режалаштириш ва унинг ишлаши учун ташкилот томонидан зарур деб аниқланган, ташқи томондан ишлаб чиқилган ҳужжатларни идентификация қилиш ва уларни тарқатишни бошқаришни таъминлаш;
g) эскирган ҳужжатлардан беҳосдан фойдаланишни олдини олиш ва бирор-бир мақсадлар учун қолдирилган бундай ҳужжатларни мос равишда идентификация қилишни қўллаш.