Государственный стандарт узбекистана

А.4.2 Қонунчилик талаблари ва бошқа мажбурий талаблар
Ташкилот фаолиятига қўлланиладиган қонунчилик талаблари халқаро, миллий, минтақавий каби талаблар ёки энергияга нисбатан энергетик менежмент тизимининг қўлланиш соҳаси учун қўлланиладиган ишлаб чиқариш фаолияти жойларидаги талаблар бўлиши мумкин. Қоунчилик талабларига мисоллар энергияни тежашни талаб қиладиган давлат регламенти ёки қонунини ўз ичига олиши мумкин. Бошқа талабларга истеъмолчилар билан келишувлар, белгиланган амалиётнинг ихтиёрий кодекслари ва принциплари, ихтиёрий дастурлар ва б. мисол бўлиши мумкин.
А.4.3 Энергетик таҳлил
Энергиядан фойдаланишни идентификация қилиш ва баҳолаш жараёни ташкилот энергиядан аҳамиятли фойдаланиш соҳасини аниқлашига ва энергетик натижавийликни яхшилаш учун имкониятларни идентификация қилишига олиб келиши керак.
Ташкилот номидан ёки унинг топшириғи бўйича ишлаётган ходимларга хизмат кўрсатувчи пудратчилар, вақтинча асосда ёки тўлиқ бўлмаган иш кунига ишга қабул қилинган ходимлар мисол бўлади.
Энергиянинг яшириш манбалари ташкилот томонидан шу вақтгача ишлатилмаган анъанавий манбаларни ўз ичига олиши мумкин. Энергиянинг муқобил манбалари қазиб олинадиган ёки қазиб олинмайдиган ёқилғи турлари бўлиши мумкин.
Энергетик таҳлилни долзарблаштириш таҳлилга оид маълумотларни долзарблаштиришни, аспектларнинг муҳимлиги ва аҳамиятини аниқлашни ва энергетик натижавийликни яхшилаш учун имкониятларни аниқлашни билдиради.
Энергетик аудит ёки баҳолаш ташкилотнинг энергетик натижавийлигининг, жараённинг батафсил таҳлилини ёки ҳам унисини, ҳам бунисини ўз ичига олади. Одатда бу аниқ энергетик натижавийликни мувофиқ равишда ўлчаш ва кузатишга асосланган. Аудитнинг чиқиш маълумотлари одатда кундалик истеъмол ва натижавийликка тегишли маълумотларни ўз ичига олади, ва уларга энергетик натижавийликни яхшилашга йўналтирилган тавсияномалар илова қилиниши мумкин. Энергетик аудитлар энергетик натижавийликни яхшилаш учун имкониятларни идентификация қилиш ва аниқлашнинг таркибий қисми сифатида режалаштирилади ва ўтказилади.