Gimnastika (yakkakurash, koordinatsion va siklik sport turlari)

Namunaviy mashqlar. Turgan holda qo‘llar chapda, arqon ikkiga taxlangan, o‘ng qo‘lda. 0 ‘ng qo‘l bilan chap tomonga siltash bajariladi. Arqon bilan gorizontal aylana hosil qilinadi. 360° ga burulish, arqon orqa tomonidan chap qo‘lga uzatiladi. Xuddi shu mashq boshqa tomonga bajariladi. Turgan holda qo‘llar oldinda, arqon chap qo‘lda. Oyoqlar bilan prujinasimon harakatlar amalga oshiriladi. Pastki vertikal aylana orqada-chapda bajariladi. Arqon oldindan o‘ng qo‘lga uzatiladi va aksincha.
Uzatish siltashning yoki aylanma harakatning eng chekka nuqtasida bajariladi. Inersiya kuchi eng katta bo‘lgan vaqtda predmetning tanaga tegishiga yo‘l qo‘ymaslik kerak. Shu bilan birga, polga tegmasligi va arqon chiziqlari buzilmasligi kerak.
Tegirmon —bu o‘ziga xos arqon bilan bajariladigan dina-mik, original harakat. Bu o‘rtadan olingan arqon bilan bajarila­ digan aylanalar. Oyoqlar bilan prujinasimon harakatlar bajari) - ganidan so‘ng arqonning ikki uchi bilan ketma-ket aylanalar yasaladi.

Halqa bilan mashqlar. Halqa (gardish) yog‘ochdan yoki plastmassadan yasalgan 80—90 sm diametrli bo‘lishi mumkin. Oldindan tayyorlash bosqichida kichik diametrli halqalardan foydalanish kerak. Halqa bilan turli xarakterdagi mashqlarni bajarish mumkin: plavniy, dinamik, xavfli, ayniqsa, tana harakati va musiqa jo‘rligidagi sinxron harakatlar yaxshi samara beradi. Halqa yerga nisbatan vertikal holatda, gorizontal yoki diagonal holatda bo‘lishi mumkin. Quyidagi ushlashlardan foydalaniladi: bir yoki ikki qoM bilan tepadan yoki pastdan, aralash, kesishgan va tashqaridan hamda ichkaridan bo‘lishi mumkin. Siltash harakatlari turli yo‘nalishda va tekislikda bir yoki ikki qo‘llar bilan bajariladi. Halqa go‘yo qolning davomi kabi bo‘lib, osilib turmasligi kerak. Siltashlar, odatda, mashqlarni bir-biriga ulaydigan element sifatida ishlatiladi. Xilma-xillik va predmet bilan bajariladigan harakatlaming bir-biriga qo‘shilib ketishini ta’minlaydi.